आईपीएलमा इमरान ताहिरको तहल्का, हरभजनको रेकर्ड तोड्दै रचे इतिहास

बैशाख ३०, २०७६

एजेन्सी-चेन्नई सुपर किंग्सका स्पिनर इमरान ताहिरले इन्डियन प्रिमियर लीग (आईपीएल)को १२ औं संस्करणमा सबैभन्दा बढी विकेट लिए ।  

आईपीएलमा सर्वाधिक विकेट लिने खेलाडीलाई पर्पल क्याप दिने गरिन्छ । ताहिरले यस सिजन १७ म्याचमा कुल २६ विकेट लिए ।


ADVERTISEMENT

यस क्रममा ताहिरको उत्कृष्ट प्रदर्शन १२ रन दिएर ४ विकेट रह्यो । ताहिरले यो सिजनमा ४३१ रन खर्चिए । 

ताहिर एक सत्रमा सर्वाधिक विकेट लिने स्पिनर पनि बनेका छन् । उनले सुनिल नरेन (२०१२) र हरभजन सिंह (२०१३) मा समान २४-२४ विकेट लिएका थिए । उता प्रज्ञान ओझाले सन् २०१० मा २१ विकेट लिएर पर्पल क्याप हात पारेका थिए । 

दोस्रो स्थानमा दिल्ली क्यापिटल्सका कागिसो रबाडा रहे । उनले १२ म्याचमा ३६८ रन खर्चिएर कुल २५ विकेट लिए । 

त्यस्तै तेस्रो स्थानमा चेन्नईका दीपक चाहर रहे । उनले फाइनलमा तीन विकेट लिएका थिए । उनले यस सिजन १७ खेलमा २२ विकेट लिए ।

 

बैशाख ३०, २०७६ मा प्रकाशित

प्रतिक्रिया दिनुहोस