कपिलको शो नहेर्ने गरेको सुनिल ग्रोभरको भनाइ

जेठ २, २०७६

काठमाडौं – सुनिल ग्रोभरले कपिल शर्माको कमेडी शो नहेर्ने गरेको बताएका छन् ।

सुनिल ग्रोभर र कपिल शर्माका बीच सन् २०१७ मा ठूलो झगडा भएको थियो । उनीहरू पहिला एउटै शोमा काम गर्थे तर झगडा भएपछि छुट्टिए ।


ADVERTISEMENT

पछि कपिलले सुनिललाई शोमा फर्किन भने अनि उनलाई आफ्नो विवाहमा पनि बोलाए । तर सुनिल दुवै ठाउँमा गएनन् । 

अब सुनिल सलमान खानको फिल्म भारतमा देखिँदैछन् । फिल्मको निर्देशन अली अब्बास जफरले गरेका हुन् । 

हालै पत्रकारसँगको भेटघाटमा सुनिललाई कपिलको शोमा भाग लिनुहुन्छ अनि सलमानले शोको निर्माण गरेकाले शोमा देखिनुहुन्छ कि भनी सोधिएको थियो । 

सुनिलले यस विषयमा सलमानसँग कुरा गरेको बताए । सलमानले शोमा जान सुझाव दिएको तर कर नगरेको उनको भनाइ छ ।

आफू शोमा नभएपछि शो पनि हेर्ने नगरेको उनले बताए ।

सुनिलले खेलेको भारत फिल्ममा कट्रिना कैफ, दिशा पाटनी, तब्बु, ज्याकी श्रोफ र नोरा फतेही पनि छन् । फिल्म जुन ५ मा सार्वजनिक हुँदैछ ।

एजेन्सी
 

जेठ २, २०७६ मा प्रकाशित

प्रतिक्रिया दिनुहोस