मंसिर ६, २०८०
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
जेठ २, २०७६
काठमाडौं – वैशाख २० गते आर्थिक वर्ष २०७६/०७७ का लागि सरकारका नीति तथा कार्यक्रम पारित हुने दिनमा प्रतिनिधि सभाको बैठकमा केही ‘असंसदीय’ शव्दहरू प्रयोग भए । सांसदले उठाएका प्रश्नको जवाफका क्रममा प्रधानमन्त्री केपी शर्मा ओलीले ‘निम्छरो’ प्रश्नको जवाफ नदिने बताए ।
प्रधानमन्त्री ओलीले ‘निम्छरो’ भनेर संसद र सांसदको मानमर्दन गरेको भन्दै कांग्रेसले संसदमा विरोध जनायो । ‘निम्छरो’ शव्द आफैंमा असंसदीय शव्द हो होइन भन्नेमा बहस छ ।
प्रतिनिधिसभा कार्यसञ्चालन नियमावलीको नियम ४८ मा कसैलाई आक्षेप लगाएर प्रश्न सोध्न नपाइने उल्लेख छ ।
प्रधानमन्त्री ओलीले ‘निम्छरो’ भनेकोमा त्यो शव्द हटाउन ‘रुलिङ’ गर्न कांग्रेसले सभामुख कृष्णबहादुर महराको ध्यानाकर्षण गरायो । प्रधानमन्त्रीले संसदमा सांसद सदस्यहरुको अपमान गर्दापनि सभामुख मुकदर्शक बनेको आरोप कांग्रेसले लगायो ।
वैशाख २५ गते काठमाडौंमा आयोजित कार्यक्रममा प्रमुख प्रतिपक्षी दलका नेता कांग्रेस सभापति शेरबहादुर देउवाले सभामुखलाई रुलिङ गर्न नसक्ने ‘डरपोक र कातर’ भनेर आरोप लगाए ।
देउवाले आरोप लगाएको पर्सिपल्ट २७ वैशाखको प्रतिनिधिसभा बैठकमा सभामुख महराले सरकारका नीति तथा कार्यक्रम पारित गर्ने क्रममा प्रयोग भएका ‘असंसदीय शव्द’ रेकर्डबाट हटाउन रुलिङ गरे ।
लगत्तै नेकपाका सांसद खगराज अधिकारीले प्रतिपक्षको तर्फबाट प्रयोग भएका असंसदीय शव्द पनि हटाउन माग गरे । सभामुख महराले सबै असंसदीय शव्द हटाउन भनिएको प्रस्टीकरण दिए ।
तर बुधवार कम्बोडिया र भियतनामबाट स्वदेश फर्किने क्रममा प्रधानमन्त्री ओलीले आफूले बोलेको नभइ कांग्रेस सांसदले बोलेका शव्द हटाइएको दाबी गरे । ‘मैले गैरसंसदीय शव्द प्रयोग गरेको छैन । सभामुखले पनि मैले कुनै गैरसंसदीय शव्द प्रयोग गरेको र त्यसलाई हटाउनुपर्छ भन्नुभएको छैन,’ उनले भने । प्रधानमन्त्रीको दाबीपछि कुन शव्द संसदको रेकर्डबाट हटेको हो अन्योल देखिएको छ ।
सभामुखको अमूर्त रुलिङ !
सभामुख महराले नीति तथा कार्यक्रम पारित गर्ने क्रममा प्रयोग भएका असंसदीय शव्द हटाउन रुलिङ गरेपनि कुन–कुन शव्द हटाउने भनेर स्पष्ट निर्देशन दिएका छैनन् । संसदीय परम्परामा जुन शव्द हटाउनुपर्ने हो, त्यही शव्द उच्चारण गरेर भन्नुपर्ने संसदीय मामिलाका एक जानकारले बताए ।
प्रधानमन्त्री ओलीले संसदमा भनेका थिए, ‘कुण्ठा, आक्रोश र निम्छरो अभिव्यक्तिको वास्ता नगरी म वास्तविक प्रश्नको जवाफ दिन्छु ... ।’
सभामुख महराले कुन शव्द शव्द असंसदीय हो भन्ने कुरा किटान गरेर निर्देशन दिनुपर्ने संसदका एक अधिकारी बताउँछन् ।
संसद सचिवालयका एक अधिकारीका अनुसार सभामुखको रुलिङ प्रधानमन्त्री ओलीले बोलेको निम्छरो भन्ने शव्द नै हो । तर संसदको रेकर्डबाट यो हटिसकेको भने छैन । त्यसबारे निर्णय हुन अझै केही समय लाग्नेछ ।
सांसदले बोलेका कुरा कसरी हुन्छ रेकर्ड ?
संसद सचिवालयले संसदको बैठक र संसदीय समितिका बैठकमा सांसदले बोलेका कुरा अडियोबाट उतारेर लिखित तयार गर्ने गर्दछ । लिखित रुपमा राखिने अभिलेख संसद सचिवालयको पुस्तकालय, राष्ट्रपति कार्यालय र प्रधानमन्त्री कार्यालयमा रहने गर्छ ।
संसद सचिवालय स्रोतका अनुसार अहिले संसदको दोस्रो अधिवेशनको रेकर्ड उतार्ने काम भइरहेको छ । अहिले संसदको चौथो अधिवेशन चलिरहेको छ । दोस्रो अधिवेशनको रेकर्ड उतार्ने काम भइसकेपछि तेस्रो अधिवेशनको रेकर्ड उतार्ने काम हुनेछ ।
तेस्रो अधिवेशनको रेकर्ड उतार्नको लागि टेण्डर नै नभएको स्रोतको भनाइ छ । तेस्रो अधिवेशनको काम सकिएपछि मात्र हाल चलिरहेको चौथो अधिवेशनको रेकर्ड उतार्ने काम शुरू हुनेछ ।
प्रधानमन्त्री ओलीले दाबी गरेजस्तै संसदको रेकर्डबाट कांग्रेस सांसदले बोलेको असंसदीय शव्द हटेको हो या ‘निम्छरो’ शव्द हटेको हो यो हेर्न भने केही महिना नै कुर्नुपर्ने भएको छ ।
संसद सचिवालयका प्रवक्ता डा. रोजनाथ पाण्डेले संसदको बैठकमा प्रयोग भएका असंसदीय शव्द हटाउन कार्यव्यवस्था परामर्श शाखाबाट सम्पूर्ण विवरण शाखामा पत्राचार गरिएको बताए ।
‘रेकर्ड उतार्दा असंसदीय शव्द हटाउनु भनेर पत्राचार गरिएको छ, रेकर्ड उतार्ने क्रममा त्यस्ता असंसदीय शव्द भेटिए हट्छन्,’ उनले भने । प्रवक्ता पाण्डेका अनुसार त्यसरी अडियोबाट उतारिएको रेकर्ड संसदका महासचिवले प्रमाणीकरण गरेर अभिलेखमा राखिन्छ ।
‘अडियोलाई लिखित रुपमा उतारेपछि टिप्पणी उठाएर सभामुखलाई दिइन्छ, सभामुखको निर्देशनपछि ती शव्द हट्छन्,’ पाण्डेले लोकान्तरसँग भने ।
संसद बैठकमा सभामुख महराले अमूर्त निर्देशन दिएका कारण संसद सचिवालयका कर्मचारीले सभामुखसँग पुनः परामर्श गर्नुपर्नेछ । सभामुखको परामर्शमा ‘निम्छरो’ शव्द रेकर्डबाट हट्ने वा नहट्ने निर्णय हुनेछ । कांग्रेस सांसदले निम्छरो शव्दलाई नै लक्षित गरेर विरोध गरेको विषय संसदको रेकर्डमा रहेकाले त्यो शव्दमा संसदका कर्मचारीको पुनः ध्यानाकर्षण भने हुनेछ ।
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...