कात्तिक १८, २०८०
एकदिवसीय विश्वकपमा वर्षाले खेल रोकेपछि पाकिस्तानलाई फाइदा भएको । पाकिस्तानले डीएलएस मेथडमा न्युजिल्यान्डलाई २१ रनले पराजित गरेको हो । न्युजिल्यान्डले दिएको ४०२ रनको विशाल लक्ष्य पछ्याउने क्रममा पाकिस्तानले २५....
धनगढी – भलिबलकी अन्तर्राष्ट्रिय खेलाडी नेविका चौधरी (२७) लाई आफैंले हात पारेका अवार्ड र मेडलहरू औंला भाँची गन्नुपर्ने अवस्था छ । तर पनि उनले यकिनका साथ हिसाबकिताब भन्न सकिने अवस्था गुमाएकी छिन् ।
अक्मकिँदै भनिन्, ‘क्षेत्रीय र जिल्ला लेबलको गेम त कति खेलियो, कति । पछिल्लो १४ वर्षयता मैले राष्ट्रिय र अन्तर्राष्ट्रिय गेम मात्रै खेलेकी छु । मेडल र अवार्ड पनि उत्तिकै जितेकी छु ।’
भनिन्छ – कुनै पनि व्यक्तिको सफलताको पछाडि उसको लगनशिलता र प्रतिभामा उसको वंशाणुगत गुण र हुनर पनि लुकेको हुन्छ रे ! हो त्यसै हुनरकै विशेषताले आज नेविका अन्तर्राष्ट्रिय स्तरमा पुगेकी छिन्भन्दा दुईमत नहोला ।
कैलालीको कैलारी गाउँपालिका–७ बसन्ता माइती घर भएकी नेविकाका बुवा विष्णुप्रसाद चौधरी पनि भलिबलका राष्ट्रिय खेलाडी तथा प्रशिक्षक हुन् । आफ्नै बुवाको सिको गर्दै हाल उनी अन्तर्राष्ट्रिय खेलाडी तथा च्याम्पियन हुन सफल भएकी हुन् ।
आफ्नो खेल जीवनको शुरूवाती अवस्थामा कैलाली जिल्लामा आयोजना हुने विभिन्न क्षेत्रीय तथा जिल्ला स्तरको प्रतियोगितामा सहभागिता जनाउने उनी २०६२ सालमा राष्ट्रिय स्तरको प्रतियोगिताको लागि छनौटमा परिन् । त्यसपछि लगातार २०६७ सालसम्म उनी सुदूरपश्चिम टीमबाट प्रतियोगितामा खेलिन् । आफ्नो टीमभित्र सधै ओपन स्पाइकरको भूमिका रहने उनले २०६५ सालमा काठमाडौंमा आयोजित ५ औं राष्ट्रिय खेलकुद प्रतियोगितामा सुदूरपश्चिम टीमलाई कास्य पदक दिलाइन् ।
खेलमा उत्कृष्ट क्षमता प्रदर्शनकै परिणाम स्वरुप उनलाई २०६७ सालमा सशस्त्र प्रहरी बल (एपीएफ) ले अफर गर्यो । सिपाहीमा कार्यरत उनी हालसम्म विभागीय टोली एपीएफबाटै राष्ट्रिय प्रतियोगिता खेल्दै आएकी हुन् ।
एपीएफबाट ३ दर्जन बढी राष्ट्रिय प्रतियोगिता खेलिसकेकी उनले महिला राष्ट्रिय भलिबल टोलीबाट ३ वटा अन्तर्राष्ट्रिय प्रतियोगिता खेलिसकेकी छिन् । सो राष्ट्रिय टोलीको प्रभावशाली खेलाडीको रुपमा रहेकी उनी सन् २०१४ मा आयोजित पहिलो साउथ एसियन वुमन भलिबल च्याम्पियनशिपमा दोस्रो स्थान, २०१६ मा आयोजित १२ औं सार्क प्रतियोगितामा तेस्रो स्थान र सन् २०१७ मा आयोजित सेन्ट्रल जोन भलिबल प्रतियोगिता आफ्नो टोली तथा मुलुकलाई दोस्रो स्थानमा पुर्याउन सफल भएकी हुन् ।
यसैबीच १४ वटा विधागत पुरस्कारमा ‘बेस्ट अवार्ड’ पाउन सफल भएको उनी बताउँछिन् । यति मात्रै नभई सन् २०१९ मा आयोजित छैठौं आईजीपी कपमा बेस्ट स्पाइकरको अवार्ड पाएको सुनाउँदै उनले हालै सम्पन्न ५ औं केएनपी राष्ट्रिय भलिबल प्रतियोगितामा ‘वुमन अफ द म्याच’ समेत हुन सफल भएको खुशी व्यक्ति गरिन् । उनले यसअघि नै ५ वटा राष्ट्रिय प्रतियोगितामा बेस्ट प्लेयरको अवार्ड हात पारिसकेकी थिइन् ।
‘बत्ती बालेर राति खेल्थ्यौं’
बाल्यावस्थादेखि खेलप्रति शौकिन नेविकाको भलिबलको गुरु नै उनको बुवा विष्णुप्रसाद हुन् । बुवामा रहेको भलिबलको नशा उनमा सरेको उनी आफैं स्वीकार्छिन् । बुवाको साथ पाएपछि उनी बुवासँगै दिनरात नभनी भलिबलमा रमाउँथिन् ।
बाल्यावस्थाको कुरा सम्झिँदा औधी रमाइलो लाग्ने बताउँदै उनी भन्छिन्, ‘बुवा नेपाल विद्युत् प्राधिकरणमा जागिरे हुनुहुन्छ । दिउँसो समय नभएपछि हामी राति पनि भलिबल खेल्थ्यौ । बुवा विद्युत्मा काम गर्ने हुँदा बत्तीको समस्यै थिएन । राति १ हजार वाटको बत्ती बालेर आँगनमै खेल्थ्यौ ।’
उनले भलिबलको अभ्यासको क्रममा छिमेकीलाई निकै सताएको र पछि छिमेकीले हसियाले भलिबल समेत फुटाइदिएको घटना अविश्मरणीय रहेको सुनाउँछिन् ।
‘सानो ठाउँमा अभ्यास गर्दा कसैको करेसाबारीमा बल पुग्थ्यो, त कसैको घरको भित्तामा बजारिथ्यो । जसले गर्दा छिमेकीबाट गाली नखाएको दिन सायदै हुन्थ्यो,’ उनले सुनाइन्, ‘१ दिन त झनै ठूलै दुर्घटनाबाट जोगियौं । सट हान्दा १ जना छिमेकीको नाकमा बल लाग्यो । उहाँको नाकमा रहेको सुनको फुली नै टुुट्यो । रिसले आगो हुनुभएकी उहाँले हाँसियाले हानेर बल नै फुटाइदिनुभयो ।’
सुदूरपश्चिम टोलीबाट खेल्दा आफ्नो बुवाकै कोचबाट प्रतियोगिता खेलेको अनुभव समेत उनी सुनाउँछिन् ।
छोरीसँग खेल्ने बुवा
विष्णुप्रसाद आफ्नो सपना साकार भएको बताउँदै सन्तानप्रति गर्व गर्छन् । २०४२ देखि २०६२ सालसम्म राष्ट्रिय प्रतियोगितामा खेलेको अनुभव सुनाउँदै उनले २०६१ सालमा खेलबाट सन्यास लिएको बताए । तर २०४२ सालमा पहिलो पटक राष्ट्रिय प्रतियोगितामा खेल्दै गर्दा आफ्ना कुनै पनि सन्तानलाई भलिबलको अन्तर्राष्ट्रिय च्याम्पियन बनाएरै छोड्ने र १ दिन सन्तानसँगै प्रतियोगिता खेल्ने सपना बुनेका थिए । सो सपना आज उनका सन्तानले पूरा गरेका छन् ।
उनले अगाडि भने, ‘खेलबाट सन्यास त लिए । तर जेठी छोरी नेविकाले २०६२ सालमा राष्ट्रिय खेलमा सहभागिता जनाएपछि आफ्नै सन्यासलाई तोड्दै छोरीसँगै प्रतियोगिता खेले । मेरो सपना आज साकार भएको छ ।’
उनकी जेठी छोरी नेविका मात्रै होइन, विष्णुप्रसादका अन्य छोराछोरीले पनि खेलमै सफलता हासिल गरेका छन् । उनको माइली छोरी संगिता चौधरी ह्यान्ड बलकी अन्तर्राष्ट्रिय खेलाडी हुन् भने कान्छी छोरी संगम चौधरी बक्सिङकी राष्ट्रिय खेलाडी, छोरा आतिश चौधरी भलिबलको जुनियर राष्ट्रिय खेलाडी ।
खेलमा ससुरालीको साथ
विवाहपूर्व खेलमा परिवारको पूर्ण साथ सहयोग पाएकी उनले विवाहपश्चात् पनि उही गतिमा खेललाई निरन्तरता दिएकी छिन् । ससुराली परिवार पनि खेलाडीको मर्म र महत्त्व बुझ्ने पाएपछि उनको खेलप्रतिको उत्साह कायमै रहेको छ ।
२०७३ सालमा उनी विराटनगरका स्थानीय चन्दनकुमार सरदारसँग विवाह बन्धनमा बाँधिएकी हुन् । उनका पति फूटबल खेलका प्रशिक्षक हुन् । चन्दनकुमार पनि एपीएफमै आवद्ध भएको हुँदा उनीहरूको भेटघाट प्रेममा परिणत भयो । फलतः पश्चिमकी नेविका र पूर्वका चन्दनकुमार विवाह बन्धनमा बाँधिए ।
‘जसरी माइतीमा खेलमय दिनचर्या बित्थ्यो । उसैगरी खेल बुझ्ने नयाँ परिवारका साथपछि खेलमय जीवन बितिरहेको छ,’ उनले खुशी व्यक्त गरिन् ।
खेलबाट विश्राम लिने सोच
आफ्नो युवावस्था खेलमै गुजारेकी उनी अब भने विश्राम लिने मनस्थितिमा पुगेकी छिन् । पारिवारिक योजना तथा शारीरिक अवस्थाले साथ दिन छोडेको बताउँदै उनले यसै वर्षदेखि क्रियाशील खेल जीवनबाट विश्राम लिने बताइन् । तर जे गरेपनि स्वदेशमै गर्नुपर्ने बताउँदै उनले नयाँ खेलाडीलाई अवसर दिनुपर्ने र तिनीहरूकै लागि बाँकी समय पनि खर्चिने भावी योजना बनाउन थालेको बताइन् ।
एकदिवसीय विश्वकपमा वर्षाले खेल रोकेपछि पाकिस्तानलाई फाइदा भएको । पाकिस्तानले डीएलएस मेथडमा न्युजिल्यान्डलाई २१ रनले पराजित गरेको हो । न्युजिल्यान्डले दिएको ४०२ रनको विशाल लक्ष्य पछ्याउने क्रममा पाकिस्तानले २५....
अष्ट्रेलियाले छैटौँ पटक आईसीसी एक दिवसीय विश्वकप क्रिकेटको उपाधि जितेको छ । आइतबार घरेलु टोली भारतलाई ६ विकेटले पराजित गर्दै अष्ट्रेलियाले उपाधिमाथि कब्जा जमाएको हो । हमादाबादस्थित नरेन्द्र मोदी स्टे...
आईसिसी एकदिवसीय क्रिकेट विश्वकप फेरि एक पटक अष्ट्रेलियाले जितेको छ । यससँगै घरेली मैदानमा उपाधि जित्ने भारतको सपना चकनाचुर बनेको छ । अष्ट्रेलियाले आज अहमदाबादमा भएको फाइनलमा भारतलाई छ विकेटले पर...
इंग्ल्यान्ड राष्ट्रिय फूटबल टोलीले ब्राजिललाई आफ्नो घरेलु मैदान वेम्बलीमा खेल्न निम्तो गरेको छ । यो खेल आगामी वर्षको मार्च २३ मा हुने ईएसपीएन एफसीले जनाएको छ । यसअघि यी दुई टोलीबीच सन् २०१७ मा लण्डनस्...
राष्ट्रिय खेलकुद परिषद्का पूर्व सदस्य सचिव युवराज लामाले खेलकुद मेडल जित्नको लागि मात्रै नभएर राष्ट्र र राष्ट्रियताको लागि पनि हुनुपर्ने बताएका छन् । जापान गोजुरियो कराँते डो. मिसन संघ नेपाल केन्द्रीय समितिले ...
फाइनलअघि १० खेलमा १० जीत, व्यक्तिगततर्फ सर्वाधिक रन (विराट कोहली- ७६५), अनि सर्वाधिक विकेट (मोहम्मद शमी- २४) को बलमा तेस्रोपटक विश्वकप विजेता बन्ने भारतको सपना सपनामै सीमित रहन पुगेको छ । अहमदावादस्थित नर...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...