धादिङ – त्रिभुवन राजमार्ग धादिङको गजुरी खण्डबाट आइतबार बिहान बस त्रिशूली नदीमा खस्दा ५ जनाको मृत्यु भएको छ । ३० जना घाइते भएका छन् ।

काँकडभिट्टाबाट काठमाडौं आउँदै गरेको ना७ख ४३८७ नम्बरको बस धादिङको गजुरी गाउँपालिका वडा नम्बर– ६ बन्छेटारबाट त्रिशूली नदीमा खसेको हो ।

घाइतेहरूलाई उपचारका लागि काठमाडौं पठाइएको इलाका प्रहरी कार्यालय गजुरीले जनाएको छ ।

गजुरी प्रहरीका अनुसार मृतकमध्ये ४ पुरुष र १ महिला छन् । उनीहरूको शनाखत हुन बाँकी छ ।