'निर्दयी' आमा : लागूऔषध दिएर २ छोरालाई मृत्युको मुखमा धकेल्दै

जेठ ८, २०७६

काठमाडौं – आमा ! शब्दमा नै कति माया र ममता हुन्छ । ‘आमा’ शब्दै नै काफी छ ।

एउटी आमाले आफ्नो सन्तानलाई कति माया गर्छिन् भन्ने कुरा पनि धेरै बखान गरिराख्नु पर्दैन ।


ADVERTISEMENT

छोराछोरीको लागि आफूले खान लागेको गाँस काटेर भएपनि छोराछोरीलाई खुवाउँछिन् । 

आमाले नै छोराछोरीलाई नै जानी–जानी मृत्युको मुखमा घकेलिरहेकी छन् भन्दा विश्वास नलाग्न सक्छ । तर एउटा यस्तै अपवाद घटना सार्वजनिक भएको छ ।

काठमाडौं महानगरपालिका–१६ नयाँ बसपार्ककी साबित्री श्रेष्ठले २ छोरालाई विगत ७ वर्षदेखि निरन्तर अवैध लागूऔषध डाईजेपाम, बुप्रेनोर्फिन र फेनारगम एम्पुल दिँदै आएको खुलासा भएको छ । उनका २ छोरामध्ये जेठा छोरा २८ वर्ष र कान्छा छोरा २४ वर्षका छन् ।

श्रेष्ठले आफ्नै घरमा भारतबाट लागूऔषध ओसारपसार गर्ने र २ छोरा र अन्य ठाउँमा पनि व्यापार गर्दै आएको लागूऔषध नियन्त्रण व्यूरोका प्रमुख वरिष्ठ प्रहरी उपरीक्षक (एसएसपी) वसन्तकुमार लामाले बताए । 

उनले भने, ‘भारतबाट आयात गर्ने र आफ्ना छोरा र अन्यलाई व्यापार गर्दै आएकी रहिछन् । उनले आफ्नै परिवारको संलग्नमा लागूऔषध व्यापार गर्दै आएको खुलेको छ ।’

विशेष सूचनाको आधारमा लागूऔषध नियन्त्रण व्यूरो कोटेश्वरबाट खटिएको प्रहरी टोलीले उनलाई आफ्नै घरबाट प्रतिबन्धित मनोद्विपक लागूऔषध डाईजेपाम ६ सय ७० एम्पुल, बुप्रेनोर्फिन ५ सय ६१ र फेनारगन ५ सय ६० एम्पुल गरी १७ सय ९१ एम्पुल लागूऔषध बिक्रीवितरण गर्न संकलन गरेको अवस्थामा उनलाई पक्राउ गरेको एसएसपी लामाले बताए ।

प्रहरीले उनको साथबाट १ लाख ४१ हजार रुपैयाँ समेत बरामद गरेको छ । उनले विगत ७ वर्षदेखि भारतबाट लागूऔषध मगाउने र आफ्नै घरबाट बिक्री वितरण गर्दै आएको प्रारम्भिक अनुसन्धानमा खुलको प्रहरीको भनाइ छ ।

उनका पति स्वास्थ्य सहायकबाट अवकाश पाएर पत्नीसँगै एउटै घरमा छुट्टै बस्दै आएका छन् । उनका छोराहरूलाई सुधार केन्द्रमा लगिएको प्रहरीले जनाएको छ । 

१७ केजी चरेश बरामद

झापाको मेची नगरपालिका–६ टोकला बगानबाट अवैध लागूऔषध चरेश १७ किलोसहित मेची नगरपालिका–८ का २५ वर्षीय सञ्जय दर्जी, ३० वर्षीय मनोज दर्जी र धनकुटा पाख्रीबास नगरपालिका–४ का ४० वर्षीय राकुमार गरुङलाई लागूऔषध नियन्त्रण ब्यूरो शाखा कार्यालय काकडभिट्टाको टोलीले नियन्त्रणमा लिएको हो । 

अभियुक्तमाथि थप अनुसन्धान भइरहेको लागूऔषध नियन्त्रण ब्यूरोले जनाएको छ ।

जेठ ८, २०७६ मा प्रकाशित

गगन अर्याल

लोकान्तर मल्टीमिडिया संवाददाता अर्याल सुरक्षा/अपराध तथा समसामयिक विषयमा समेत कलम चलाउँछन् ।

लेखकबाट थप...

प्रतिक्रिया दिनुहोस