काठमाडौं–राष्ट्रपति विद्यादेवी भण्डारीले राहदानीसम्बन्धी कानूनलाई संशोधन र एकीकरण गर्न बनेको विधेयक प्रमाणीकरण गर्न अस्वीकार गरेकी छिन् । 
उनले सो विधेयक आज प्रतिनिधिसभामा फिर्ता पठाइदिएकी छिन् ।

विधेयकलाई नेपालको संविधानको धारा ११३ को उपधारा (३) बमोजिम पुनर्विचारका लागि आज राष्ट्रपति विद्यादेवी भण्डारीले फिर्ता पठाएकी हुन् । 

सो विधेयक राष्ट्रपति भण्डारीसमक्ष प्रतिनिधिसभाका सभामुखबाट प्रमाणित भई नेपालको संविधानको धारा ११३ को उपधारा (२) बमोजिम प्रमाणीकरणका लागि पेश हुन आएकोमा फिर्ता पठाइएको राष्ट्रपति कार्यालयका प्रवक्ता छवीन्द्र पराजुलीले राति जारी विज्ञप्तिमा उल्लेख गरिएको छ ।