काठमाडौँ -प्रधानमन्त्री केपी शर्मा ओलीले लोकसभा चुनावमा शानदार बिजय हासिल गरेका भारतीय प्रधानमन्त्री नरेन्द्र मोदीलाई फोन गरेर बधाई दिएका छन् ।

बिहीवार साँझ एक ट्विट गर्दै प्रधानमन्त्री ओलीले आफूले मोदीलाई फोन गरेर बधाई दिएको बताएका छन् ।

'मैले भर्खर टेलिफोन गरेर भारतका प्रधानमन्त्री श्री नरेन्द्र मोदीलाई भारी जितको शुभकामना दिएको छु,' प्रधानमन्त्री ओलीले ट्विटमा भनेका छन्, 'हामी दुवैले नेपाल-भारत सम्बन्धलाई थप बलियो बनाउन आ-आफ्नो धारणा साटासाट गर्यौं ।'