काठमाडौं – पाकिस्तान क्रिकेट बोर्ड (पीसीबी) ले विश्वकपका बेलामा इंग्ल्यान्डमा खेलाडीहरूलाई परिवारसँग बस्न अनुमति दिएको छ । 

तर खेलाडीहरूले असार १ गते भारतविरुद्धको खेलपछि मात्र पत्नीलाई आफूसँग राख्न पाउने छन् । 

पीसीबीले इंग्ल्यान्डविरुद्धको पाँच म्याचको शृंखलामा खेलाडीहरूलाई परिवारसँग बस्न अनुमति दिएको थियो । तर केही दिनअघि कप्तान सरफराज अहमदले विश्वकपमा पनि परिवारसँग बस्नका लागि अनुमति माग्दा दिएको थिएन । 

पाकिस्तानी खेलाडीहरूले पत्नी र सन्तानहरूलाई अस्ट्रेलियाविरुद्ध जेठ २९ मा हुने म्याचपछि आफूसँग राख्न दिन अनुरोध गरेका थिए । 

तर अब भारतविरुद्धको म्याचपछि मात्र पाकिस्तानी खेलाडीहरूले पत्नी र सन्तानलाई सँगै राख्न पाउनेछन् ।्

एजेन्सी