नेपालमा मामागोतो रेस्टुरेन्ट चेन

जेठ १७, २०७६

काठमाडौं – अजर हस्पिटालिटिद्वारा सञ्चालित भारतको प्रख्यात रेस्टुरेन्ट चेन प्यान एसियाको मामागोतो रेस्टुरेन्ट नेपालमा स्थापना गरिएको छ ।

प्यान एसियाको नेपालमा पहिलो अन्तर्राष्ट्रिय चेन हो । नेपालका लागि आधिकारिक साझेदारका रुपमा नेपालका स्थापित घरानाका दुई युवा सुमित अत्री तथा सिभान्त पाण्डे रहेका छन् ।


ADVERTISEMENT

काठमाडौंको पानीपोखरीमा अवस्थित मामागोतो आफैंमा अद्वितीय रहेको छ । यसमा विभिन्न परिकारको फ्युजन खानाको टेस्ट गर्न पाइन्छ । आकर्षक एवं आनन्ददायी वातावरण, शान्त परिवेश रेस्टुरेन्टका आफ्नै विशेषता हुन् ।

रेस्टुरेन्टमा एकै पटक १२५ ग्राहकलाई गुणस्तरीय सेवा प्रदान गर्ने क्षमता रहेको छ । पर्याप्त पार्किङ रहेको रेस्टुरेन्ट बिहान ११ बजेदेखि रातको ११ बजेसम्म खुला रहने छ ।

भारतमा विभिन्न ९ वटा शहरमा यसका शाखा सञ्चालित रहेका छन् भने नेपालमा यो प्यान एसियाको पहिलो अन्तर्राष्ट्रिय आउटलेट हो ।

जेठ १७, २०७६ मा प्रकाशित

प्रतिक्रिया दिनुहोस