हेटौंडामा 'स्लो स्कूटर' प्रतियोगिता : गल्फ प्रमुख आयोजक

जेठ २६, २०७६

हेटौंडा- हेटौंडामा 'स्लो स्कूटर' प्रतियोगिता २०१९ प्रतियोगिता आयोजना गरिएको छ । लेडी जेसिसद्वारा आयोजित उक्त प्रतियोगिता सडक दुर्घटनाबारे जानकारी आदान प्रदान गर्ने एक अन्तरक्रिया कार्यक्रमसँगै आयोजना गरिएको हो ।

नेपाली सडकमा बढ्दो दुर्घटनामा दुइपाङ्ग्रे सवारीको क्षति बढी हुनेगरेको ट्राफिक प्रहरीले सार्वजनिक गरिरहेको अवस्थामा सबैलाइ सचेतना होस् र सुरक्षित सवारीमा ध्यान केन्द्रित होस् भन्नका लागि जेसिस सप्ताह २०१९ अन्तर्गत स्लो स्कूटर प्रतियोगिता आयोजना गरिएको आयोजकले जनाएका छन् ।


ADVERTISEMENT

कार्यक्रममा सडक दुर्घटना कसरी कम गर्न सकिन्छ भन्ने विषयमा अन्तरक्रिया समेत गरिएको थियो ।

कार्यक्रममा सभापतिको  रूपमा हेटौंडा लेडी जेसिस २०१९ की अध्यक्ष जेसी सुष्मा लटौला उपस्थित थिइन् भने हिरामणि त्रिताल मुख्य अतिथिका रुपमा उपस्थित भएका थिए । कार्यक्रममा विशिष्ट अतिथि प्रहरीका रूपमा निरिक्षक विरेन्दकुमार ठाकुर उपस्थित भएका थिए ।

स्लो स्कूटर प्रतियोगितामा सुमित्रा लामा प्रथम, सुजुता श्रेष्ठ दोस्रो र उषा रोकाले तेस्रो स्थान प्राप्त गर्न सफल भएका छन् ।

नेपाल ल्युब आयल लिमिटेड (गल्फ लुब्रिकेन्ट्स)ले सडक दुर्घटना र ट्राफिक समस्यासँग सम्बन्धित विषयमा विभिन्न कार्यक्रमहरू बारम्बार आयोजना गरिरहन्छ ।

जेठ २६, २०७६ मा प्रकाशित

प्रतिक्रिया दिनुहोस