पुलमा लावरवाही गरेको भन्दै पप्पुलाई कारवाही गर्न सिफारिस!

जेठ ३१, २०७६

काठमाडौं– प्रतिनिधि सभा संसदको विकास तथा प्रविधि समितिले पप्पु कन्सट्रक्सन कम्पनीलाई कारावही गर्न सिफारिस गरेको छ । शुक्रवार विहान बसेको समितिको बैठकले काठमाडौंको तीनकुने र मीनभवन जोडुने गरी पप्पुले निर्माण गरिरहेको पुल गुणस्तरहीन रहेको भन्दै उक्त कम्पनीलाई कारवाही गर्न सिफारिस गरेको हो ।

गुणस्तरहीन पुल निर्माण गरिरहेको र काम रोक्न समेत निर्देशन दिइसकेको अवस्थामा  काम नरोकेको निष्कर्ष सहित समितिले कारावाही गर्न सरकारलाई सिफारिस गरेको हो । यसअघि समितिले उक्त पुलको स्थलगत अनुमगन गरेको थियो । स्थलगत अनुमगनका क्रममा पुल गुणस्तरहीन रहेको निष्कर्ष सहीतको प्रतिवेदन समितिले तयार पारेको छ ।


ADVERTISEMENT

यसअघि पुल निर्माणको काम कमसल रहेको भन्दै सडक विभागले पप्पु कन्सट्रक्सनलाई पत्र पठाएको थियो । सडक विभागको पत्रको वेवास्ता गर्दै पुल निर्माणको काम अघि बढाइरहेको थियो ।
पुल निर्माणमा लापरवाही भएको भन्दै विकास तथा प्रविधि समितिका सभापति कल्याणी खड्का सहीतको टोलीले गत जेठ २ गते पुलको अनुमगन गरेको थियो ।

जेठ ३१, २०७६ मा प्रकाशित

प्रतिक्रिया दिनुहोस

ताजा समाचार