नयाँदिल्ली– भारतीय प्रधानमन्त्री नरेन्द्र मोदीले तल्लो सदन लोकसभाको सदस्यका रूपमा सोमवार शपथ लिएका छन् । उनि उत्तर प्रदेशको वाराणसी क्षेत्रबाट लोकसभाको सदस्यमा निर्वाचित भएका थिए । 

सोमवार नै अस्थायी सभामुख चुनिएका विरेन्द्र कुमारले प्रधानमन्त्री मोदीलाई संसद सदस्यको शपथ गराएका थिए । भारतीय लोकसभाको १७औं बैठक सोमवार नै शुरू भएको हो ।

संविधान अनुसार संसदीय दलको नेताको रूपमा मोदीले पहिलो सांसदको शपथ लिएका हुन् । नयाँ लोकसभाका नवनिर्वाचित सांसदहरूले पछि पालैपालो शपथ लिनेछन् । सांसदहरूले शपथ गराउने कार्यक्रम दुई दिनसम्म चल्नेछ ।

लोकसभाको सभामुखको चयन भने जुन १९का दिन हुनेछ । राष्ट्रपति रामनाथ कोबिन्दले जुन २० तारिखका दिन संसदको दुबै सदनलाई सम्बोधन गर्नेछन् । 

नयाँ सरकारले केन्द्रीय बजेट आगामी जुलाई ५ का दिन संसद समक्ष प्रस्तुत गरिने कार्यतालिका रहेको छ ।