काठमाडौं – विश्वकप क्रिकेटमा पाकिस्तानविरुद्धको महत्त्वपूर्ण खेलमा भारतका स्पिनर कुलदीप यादवले फालेको एउटा बलको अहिलेसम्म पनि चर्चा भइरहेको छ । 

उक्त बलमा उनले पाकिस्तानका विस्फोटक ब्याट्स्म्यान बाबर आजमलाई क्लीन बोल्ड गरिदिएका थिए । ४८ रनमा आउट भएका बाबरले बल बुझ्नै सकेनन् र उनको स्टम्पका बेलहरू खसे । 

कुलदीपले आफ्नो यो बललाई ड्रीम डेलिभरी नाम दिएका छन् । उनले ७८ किलोमिटर प्रतिघन्टाको गतिमा बल फालेका थिए । बल अफ स्टम्प बाहिर पिचमा ठोक्किएपछि तीव्र गतिका साथ इनस्विंगर भएर बाबरको स्टम्प उडाउन सफल भएको थियो । 

बलले ५.८० डिग्रीको टर्न लिएको र गति कम भए पनि बाबरलाई झुक्याउन सफल भएको थियो । बाबरको ब्याट र प्याडको बीचबाट गएको बलले स्टम्प उडाएको थियो । 

यसका बारेमा म्याच सकिएपछि कुलदीपले भने, ‘वर्षाले खेलमा ब्रेक लगाएपछि मैले भिडियो रिप्लेमा त्यो बल हेरें । बल ड्रिफ्ट भएको थियो र त्यसले टर्न लियो । यो प्रत्येक स्पिनरको सपना हो । मैले ब्याट्स्म्यानलाई हावामा झुक्याएँ र गल्ती गर्न बाध्य बनाएँ ।’

"Perfect ball, drift and turn."

Kuldeep Yadav's dismissal of Babar Azam yesterday was one of the balls of #CWC19 so far.

He talked through that game-changing moment with our Insider @PathakRidhima. pic.twitter.com/0k1B17Jedr

— ICC (@ICC) June 17, 2019

एजेन्सी