काठमाडौं – अफ्रिकी देश मालीमा यो वर्ष निकै हिंसा भएको छ । 

ताजा घटनामा मध्य मालीको डोगोन गाउँमा सोमवार भएको आक्रमणमा ३८ जनाको मृत्यु भयो भने धेरैजना घाइते भए । सरकारले मंगलवार यसको जानकारी दिएको हो ।

कुनै पनि समूहले आक्रमणको जिम्मेवारी लिएको छैन तर मालीमा डोगोन र फुलानी समुदायबीत यस वर्ष निकै धेरै हिंसा भएको छ । 

माली सरकारले बयान जारी गरेर भन्यो, ‘सोमवार साँझ उग्रवादी आक्रमणमा गंगफनी र योरो गाउँलाई तारो बनाइयो । त्यो ठाउँ बुर्किना फासोभन्दा धेरै पर छैन । कुल ३८ मानिस मारिएका छन् अनेकौं घाइते छन् ।’

बयानमा थप भनिएको छ, ‘जनता र उनीहरूको सम्पत्तिको रक्षा तथा आक्रमणकारी पत्ता लगाउनका लागि सुरक्षाबललाई घटनास्थलमा पठाइएको छ ।’ 

एजेन्सी