मोन्टेभिडिओ– दक्षिण अमेरिकी राष्ट्र उरुग्वेमा अविरल वर्षापछि आएको बाढीका कारण सात हजार ४ सय बढी व्यक्ति विस्थापित भएका छन् । 

राष्ट्रिय आकस्मिक सेवाले दिएको पछिल्लो जानकारीअनुसार मध्य शहर डुराज्नो सबैभन्दा बढी प्रभावित भएको छन् ।

यहाँबाट पाँच हजार २९९ जना विस्थापित भएका छन् ।

रक्षामन्त्री जोसे वेआडीले एक शिविरको भ्रमण गरी विस्थापितहरूका लागि सैनिक सहयोगको बन्दोबस्त मिलाएको समाचारमा जनाइएको छ । 

कैयौं व्यक्तिहरू अझै पनि बाढी प्रभावित क्षेत्रमा फसेका हुनाले सेनाले निरन्तर निरीक्षण गरिरहेको बेआडीले जानकारी दिए । 

उक्त बाढीका कारण प्रहरीले १२ वटा राष्ट्रिय राजमार्गलाई बन्द गरेको छ ।