चैत ७, २०८०
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
असार १८, २०७६
काठमाडौं– प्रतिनिधि सभाको तुलनामा राष्ट्रिय सभामा सांसदहरूको उपस्थिति सन्तोषजनक देखिएको छ ।
‘परिपक्व’ सांसदहरूको सभा भनेर चिनिने राष्ट्रिय सभाका बहुसंख्यक सदस्य ७५ प्रतिशतभन्दा बढी बैठकमा उपस्थित भएका छन् ।
२०७४ सालमा चलेको संसद्को पहिलो अधिवेशन तथा २०७५ सालमा चलेका दोस्रो र तेस्रो अधिवेशनको हाजिरी विवरणमा सांसदहरूको उपस्थिति सन्तोषजनक पाइएको हो ।
सीमित सांसद बाहेक अधिकांश सांसद ७५ प्रतिशतभन्दा बढी बैठकमा उपस्थित भएका छन् । २०७४ माघ २४ गते सम्पन्न राष्ट्रिय सभा निर्वाचनपछि सोही वर्षको फागुन २१ गते संसद्को अधिवेशन शुरू भएको थियो । राष्ट्रिय सभाको पहिलो अधिवेशन २०७४ फागुन २१ गते शुरू भई चैत २० गते समापन भएको थियो ।
दोस्रो अधिवेशन २०७५ वैशाख २३ गते शुरू भई असोज ११ गते समापन भएको थियो । यस्तै तेस्रो अधिवेशन पुस ११ गते शुरू भएर चैत्र १० गते समापन भएको थियो । अहिले संसद्को चौथो अधिवेशन चलिरहेको छ ।
सबै बैठकमा उपस्थित हुने उदया शर्मा, कम उपस्थित हुने बादल !
नेकपा सांसद उदया शर्मा राष्ट्रिय सभाका तीनवटा अधिवेशनका सबै ८९ दिनको बैठकमा उपस्थित भएकी छिन् । राष्ट्रिय सभाका अध्यक्ष भन्दा पनि धेरै बैठकमा उनी उपस्थित भएको देखिन्छ । चौथे अधिवेशनमा भने एक दिन छुटेको उनी स्वयं बताउँछिन् । ‘तीनवटा अधिवेशनका सबै बैठकमा उपस्थित भएँ, चौथो अधिवेशन (चालू)मा भने एक दिन अनुपस्थित हुनुपर्यो । एकदिन गयल भएकोमा खल्लो लागिरहेको छ,’ सांसद शर्माले लोकान्तरसँग भनिन्, ‘संसद्मा उपस्थित भएर बैठक नसकिँदासम्म बसिरहन्छु ।’
राष्ट्रिय सभाका अध्यक्ष गणेशप्रसाद तिमिल्सिना ८८ बैठकमा उपस्थित भएका छन् । उपत्यका बाहिर रहेका कारण तिमल्सिना एउटा बैठकमा उपस्थित भएका थिएनन् । सो दिनमा उपाध्यक्ष शशीकला दाहालले बैठक शुरू र अन्त्य गरेकी थिइन् ।
संसद् सचिवालयले उपलब्ध गराएको विवरणमा राष्ट्रिय सभाका सदस्य समेत रहेका गृहमन्त्री रामबहादुर थापा बैठकमा सबैभन्दा कम उपस्थित भएको देखिन्छ । मन्त्री थापा मात्र ३२ दिनको बैठकमा मात्र उपस्थित भएका छन् ।
सत्तारूढ दल नेकपाको सचिवालय सदस्य समेत रहेका बादल राष्ट्रिय सभामा रहेका नेताहरूमध्ये सबैभन्दा शीर्ष तहका हुन् ।
गृहमन्त्रीको हैसियतमा संसदीय समितिका बैठक, प्रतिनिधि सभाको बैठक तथा प्रदेशमा भएका सुरक्षा गोष्ठीमा सहभागी हुनुपरेका कारण गृहमन्त्री बाादलको उपस्थिति कम भएको हुन सक्ने सचिवालयका एक अधिकारी बताउँछन् ।
पढ्नुस यो पनि :
एक दिन हाजिर गरेर महिनाभरीको तलब भत्ता लिन्छन् शीर्ष नेता, केही सांसदको पद नै धरापमा !
२०७४ सालमा सम्पन्न संसद्को पहिलो अधिवेशन अन्तर्गत फागुन महिनामा उनी तीनवटै बैठकमा उपस्थित भएका छन् भने चैत महिनाका ७ दिनमध्ये ३ दिनको बैठकमा मात्र उनी उपस्थित छन् ।
तेस्रो अधिवेशन अन्तर्गत २०७५ चैत महिनामा उनी एक दिन पनि संसद्मा हाजिर भएनन् । चैत महिनामा ४ दिन बैठक बसेको थियो । ११ दिन बैठक बसेको फागुन महिनामा उनी मात्र १ दिन संसद्मा उपस्थित भए । पुस महिनामा १ र माघ महिनामा ३ दिन उपस्थित भएको सचिवालयले उपलब्ध गराएको विवरणमा उल्लेख छ ।
राष्ट्रिय सभाका सदस्य समेत रहेका अर्थमन्त्री डा. युवराज खतिवडा भने ६० वटा बैठकमा उपस्थित भएका छन् । अर्थमन्त्रीको हैसियतमा संसदीय समिति र प्रतिनिधि सभाको बैठकमा समेत उपस्थित हुनु परेका कारण उनको उपस्थिति पातलो भएको हुन सक्ने सचिवालयका एक अधिकारी बताउँछन् ।
अध्यक्षसरह उपस्थित हुने ४ सांसद
तीनवटा अधिवेशनमा अध्यक्ष गणेश तिमल्सिना ८८ बैठकमा उपस्थित भएका छन् । उनी सरह नेकपाका सांसद रामनारायण बिडारी, नेकपाकी बिना पोखरेल, नेकपाकै सिंहबहादुर विश्वकर्मा र खिमकुमार विक पनि ८८ बैठकमा उपस्थित भएका छन् । बिडारी राष्ट्रिय सभाको विशेष समयमा बोल्ने सांसदमा अग्रस्थानमा छन् ।
राष्ट्रिय सभाकी उपाध्यक्ष शशीकला दाहाल ८० वटा बैठकमा उपस्थित भएकी छिन् । चर्चित गायिका कोमल वली भने ७१ बैठकमा उपस्थित भएकी छिन् ।
नेपाली कांग्रेसकी मुक्ताकुमारी यादवले २०७४ सालको चैत्रमा १ दिन पनि हाजिर नभई महिनाभरको तलब लिइन् । ७ वटा बैठकमध्ये उनी एक दिन पनि उपस्थित भइनन् । यस्तै नेपाली कांग्रेसका सांसद रमेशजंग रायमाझी २०७५ असोजको एउटै बैठकमा उपस्थित भएका छैनन् । सोही महिनामा नेपाली कांग्रेसकी विन्दा देवी आले पनि एक दिनपनि उपस्थित भइनन् ।
२०७५ पुस महिनामा नेकपाका हरिराम चौधरी एक दिन पनि उपस्थित भएनन् भने चैत महिनामा समाजवादी फोरमका रामप्रित पासवान एउटै बैठकमा उपस्थित भएनन् । महिनामा एकदिन पनि उपस्थित नभएका सबै सांसदले पनि तलब भने लिएका छन् ।
गाडी र इन्धन सुविधा लिने नेता र सचेतकको उपस्थिति कस्तो ?
संसद् सचिवालयबाट गाडी र इन्धन सुविधा लिइरहेका संसदीय दलका नेता र सचेतकहरूको उपस्थिति पनि औसत छ । सत्तारुढ नेकपा संसदीय दलका नेता दिनानाथ शर्मा ७८ दिन उपस्थित भएको सचिवालयले लोकान्तरलाई उपलब्ध गराएको विवरणमा उल्लेख छ । सत्तारुढ दलको नेताको हैसियतमा उनले गाडी र मासिक २ सय ३० लिटर इन्धन सुविधा लिइरहेका छन् ।
राष्ट्रिय सभामा प्रमुख प्रतिपक्षी दल नेपाली कांग्रेस संसदीय दलका नेता सुरेन्द्र पाण्डे ७७ बैठकमा उपस्थित भएका छन् । विपक्षी दलको नेताको हैसियतमा उनले सचिवालयबाट गाडी र मासिक २ सय ३० लिटर इन्धन सुविधा लिइरहेका छन् ।
नेकपा संसदीय दलका प्रमुख सचेतक खिमलाल भट्टराई ७८ बैठकमा उपस्थित भएका छन् भने नेपाली कांग्रेसका सचेतक सरिता प्रसाईं ७१ बैठकमा उपस्थित भएकी छन् । दुवै सचेतकले मासिक २ सय लिटर इन्धन सहित गाडी सुविधा लिइरहेका छन् ।
राष्ट्रिय सभा पहिलो अधिवेशन:
राष्ट्रिय सभाको दोस्रो र तेस्रो अधिवेशन:
पोखरा क्षेत्रीय अन्तर्राष्ट्रिय विमानस्थल निर्माण अनियमितता प्रकरणमा समेत अर्थमन्त्री वर्षमान पुनको भूमिका शंकास्पद देखिएको छ । २०६८ सालमा अर्थमन्त्री रहेका बेला पुनले प्रचलित कानून, विधि र मापदण्डविपरीत विमानस्थल ...
काठमाडौं महानगरपालिका वडा नम्बर– ३ बाँसबारीमा शहीद गंगालाल राष्ट्रिय हृदय केन्द्रनजिकै सञ्चालनमा छ, द चाँदबाग स्कूल । विनोद चौधरी नेतृत्वको सीजी ग्रुपअन्तर्गत सीजी एजुकेसनले सञ्चालन गरेको उक्त स्कू...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
यातायात व्यवस्था विभागका महानिर्देशक उद्धवप्रसाद रिजालसहितको टोली सवारी चालक अनुमति पत्र (लाइसेन्स)मा प्रयोग हुँदै आएको स्मार्ट कार्डको गुणस्तर अनुगमनका लागि भन्दै जर्मनी जान लागेका छन् । टोलीमा विभा...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...