काठमाडौं – क्रिकेट विश्वकपमा आज न्युजील्यान्ड र इंग्ल्यान्डबीच प्रतिस्पर्धा हुँदैछ । 

आजको खेल जित्ने टीम सीधै सेमिफाइनल प्रवेश गर्नेछ । यस म्याचको परिणामको असर यी दुई टोलीलाई मात्र नभई भारत र पाकिस्तानलाई पनि पर्नेछ । त्यसैले यस म्याचमा भारत र पाकिस्तानका प्रशंसकको नजर छ । 

सेमिफाइनलको तस्वीर स्पष्ट पार्नका लागि भारतले आजको म्याचमा नजर राखेको छ । त्यसो त भारत सेमिफाइनलमा प्रवेश गरिसकेको छ । 

न्युजील्यान्डलाई सेमिफाइनल पुग्न जम्मा एक अंक आवश्यक छ । मंगलवार भारतसँग हारेपछि बंगलादेश चाहिँ अब सेमिफाइनल पुग्न नसक्ने भएको छ । 

पाकिस्तानले लर्ड्समा बंगलादेशसँग म्याच खेल्न बाँकी छ । तर आजको म्याचले पाकिस्तानको भविष्य निर्धारित गर्नेछ । इंग्ल्यान्डले यो म्याच जितेमा पाकिस्तान सेमिफाइनलमा पुग्ने सबै बाटो बन्द हुनेछ । म्याच टाई भयो भने एक अंक ल्याएर न्युजील्यान्डले सेमिफाइनलमा स्थान बनाउनेछ । 

इंग्ल्यान्डले यस प्रतियोगितामा राम्रो शुरूआत गरेको भए पनि पछि उसको लग बिग्रियो । श्रीलंका र अस्ट्रेलियासँग हारेपछि इंग्ल्यान्डले शक्तिशाली पुनरागमन गर्‍यो । आजको खेलमा जीत हासिल गरे मात्र इंग्ल्यान्डले सेमिफाइनलमा स्थान पक्का गर्नेछ । 

न्युजील्यान्डको टीम भने यस विश्वकपमा लगातार राम्रो प्रदर्शन गरिरहेको छ । तर अस्ट्रेलिया र पाकिस्तानसँग हारेपछि उसमाथि दबाब चाहिँ निकै परेको छ । आजको खेलमा उसले जित्नैपर्ने स्थिति छ ।

एजेन्सी