काठमाडौं – ब्राजिलमा भइरहेको कोपा अमेरिका फूटबल प्रतियोगिताको फाइनलमा पेरुको टीम ४४ वर्षपछि पुगेको छ । 

बुधवार सम्पन्न सेमीफाइनलमा पेरुले लगातार दुईपटकको च्याम्पियन चिलीलाई ३–० ले हरायो । टीमका लागि एडिसन फ्लोरेसले २१औं, योशिमार योतुमले ३८औं र पाओलो गेरेरोले ९१औं मिनेटमा गोल गरे । 

पछिल्लोपटक पेरु सन् १९७५ मा कोलम्बियालाई हराएर कोपा अमेरिका च्याम्पियन बनेको थियो ।  

अब फाइनलमा पेरुको भिडन्त ब्राजिलसँग हुनेछ । अर्को सेमीफाइनलमा ब्राजिलले अर्जेन्टिनालाई २–० ले हराएको थियो । 

फाइनल खेल आइतवार माराकाना स्टेडियममा खेलिनेछ ।

एजेन्सी