कुकुरलाई गाडीमा फित्ता बाँधेर घिसारे यी व्यक्तिले, भयो कडा आलोचना (भिडियो)

साउन ५, २०७६

काठमाडौं – चीनको गुइयाङमा एक ट्याक्सी चालकले सानो कुकुरलाई घाँटीमा फित्ता बाँधेर गाडीको पछाडि घिसार्दै व्यस्त सडकमा कुदाएको भिडियो सार्वजनिक भएको छ ।

भिडियो हेरेर मानिसहरूले जनावरमाथिको दुर्व्यवहारको कडा आलोचना गरेका छन् । 


ADVERTISEMENT

अर्को गाडीबाट एक व्यक्तिले भिडियो खिचेका थिए । भिडियोमा थाकेको कुकुर ट्याक्सीपछाडि कुदेको देखिन्छ । घटना सोमवार भएको हो । 

ती चालकले एक साथीलाई कुकुर अन्त लग्न सहायता गरेका थिए । कुकुर सीटमा बस्दा फोहर पारिदेला भनेर घिसार्दै लगेको उनले जिकिर गरे । 

चालकले चेतावनी बत्ती बालेको र गाडी पनि धिमा गतिमा गुडिरहेको भए पनि कुकुरलाई निकै कष्ट परेको देखिन्थ्यो । 

ट्याक्सीले ट्राफिक छलेको अनि सडकको लेन पनि परिवतएन गरेको र यसक्रममा कुकुरको सुरक्षालाई पूरै बेवास्ता गरेको प्रत्यक्षदर्शीहरूले बताए । 

कुकुरलाई यसरी कम्तीमा एक किलोमिटरसम्म घिसारिएको बताइएको छ । 

ट्याक्सी कम्पनीका एक प्रवक्त ली लाइबिनले यो घटना पानी परेको दिन भएको र चालकले सीट खराब नहोस् भनी कुकुरलाई फित्ताले बाँधेको पत्रकारहरूलाई बताए ।

कम्पनीले चालकलाई असभ्य व्यवहार देखाएको र खतरनाक तरिकाले गाडी हाँकेको भन्दै तीन दिनका लागि निलम्बन गरेको छ ।

एजेन्सी

साउन ५, २०७६ मा प्रकाशित

प्रतिक्रिया दिनुहोस