काठमाडौँ -हामी सबैले अंगुर खाएका छौं । हाम्रो वरिपरी पाइने अंगुर कालो या हरियो हुने गर्छ र प्रायः सबै वर्गका मानिसले अंगुर किन्न सक्ने क्षमता राख्छन् ।

तर जापानमा पाइने रातो अंगुरको मूल्य सुन्दा तपाईको होश उड्न सक्छ । उक्त रातो अंगुरको एक गुच्छालाई ११ हजार डलर पर्छ । उक्त अंगुरको नाम रेड जापानीज अंगुर हो र यो रुबी रोमन प्रजातिको अंगुर हो ।

अंगुरको एउटा गुच्छामा करीब २४ वटा जति गेडा हुन्छन् । ताकासी होसोकावा जसले जापानका ठूला होटेल चेनहरूमा तरकारी र फलफूल आपूर्ति गर्छन्, उनले एक गुच्छा अंगुरलाई ११ हजार डलरमा एक पाँचतारे होटेललाई बेचेका थिए । यो हालसम्मकै उच्च मूल्य हो ।