कात्तिक १८, २०८०
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
असार ३०, २०७६
काठमाडौं – ल्याटिन अमेरिकी देश भेनेजुएलाका राष्ट्रपति निकोलास मादुरोका छोरा निकोलास अर्नेस्टो मादुरो यतिबेला काठमाडौंमा छन् ।
शनिवार आफ्ना ३ मन्त्रीसँग सुटुक्क काठमाडौं छिरेका अर्नेस्टोले सत्तारूढ नेपाल कम्युनिस्ट पार्टी (नेकपा) का प्रवक्ता नारायणकाजी श्रेष्ठ र सचिवालय सदस्य वामदेवसँग भेट गरेको समाचार बाहिरिएको भएपनि नेपालका मन्त्री र प्रधानमन्त्रीसँगको भेटको कार्यतालिका भने सार्वजनिक भएको छैन ।
सत्तारूढ नेकपाका युवा संगठनको निमन्त्रणामा अर्नेस्टो नेपाल भ्रमणमा आएको दाबी गरिएको भएपनि झण्डै ६ महिनादेखि राजनीतिक संकट झेलिरहेको भेनेजुएलाको यो स्तरको नेपाल भ्रमण राष्ट्रपति मदुरोको पक्षमा अन्तर्राष्ट्रिय सहमति जुटाउन गरिएको प्रयास हुनसक्ने राजनीतिक वृत्तमा चर्चा छ ।
आइतवार सत्तारूढ दल नेकपाका सचिवालय सदस्य वामदेवसँगको भेटमा अर्नेस्टो नेपाली ढाकाटोपीमा देखिए । १९८७ को अप्रिलमा नेपाल र भेनेजुएलाबीच कूटनीतिक सम्बन्ध कायम भएको थियो । त्यसयता दुवै देशबाट कुनै उच्चस्तरीय राजनीतिक भ्रमण भएका छैनन् । आइतवार भएको अर्नेस्टो–गौतम भेटमा बदलिएको परिस्थितिमा नेपाल र भेनेजुएलाबीचको सम्बन्धलाई नयाँ उचाइमा पुर्याउनेबारे छलफल भएको छलफलमा उपस्थित एक सहभागीले बताए ।
भेनेजुएलामा अमेरिकी हस्तक्षेपका कारण राजनीतिक संकट बढिरहेको भन्दै सत्तारूढ नेकपाका अध्यक्ष पुष्पकमल दाहाल ‘प्रचण्ड’ले अमेरिकी हस्तक्षेप मान्य नहुने भन्दै विज्ञप्ति जारी गरे । प्रधानमन्त्री केपी शर्मा ओली विदेश भ्रमण रहेका बेला प्रचण्डले भेनेजुएलाका राष्ट्रपति निकोलास मदुरोको पक्षमा विज्ञप्ति जारी गरेपछि राष्ट्रिय र अन्तर्राष्ट्रिय सञ्चारमाध्यममा व्यापक चर्चा भएको थियो ।
प्रचण्डको विज्ञप्तिपछि नेपालस्थित अमेरिकी राजदूतले सरकारको आधिकारिक धारणा माग्यो । त्यसलगत्तै परराष्ट्र मन्त्रालयले अध्यक्ष प्रचण्डकै भनाइ सदर गर्दै भेनेजुएला सन्दर्भमा कुनै पनि देशले हस्तक्षेप गर्न नहुने र त्यहाँका जनता आफ्नो फैसला आफै गर्न सक्षम रहेको भन्दै विज्ञप्ति निकाल्यो । विश्वका ठूला शक्तिराष्ट्रहरू सहभागी भएको भेनेजुएला संकटबारे नेपालको परराष्ट्र मन्त्रालयले दिएको वक्तव्यले नेपाल ‘गैरअमेरिकी’ खेमामा उभिएको चर्चा चल्यो ।
भेनेजुएलामा राजनीतिक संकट हल नभइसकेको भएपनि मोटामोटी रूपमा केही मत्थर भएको छ । अमेरिकी हस्तक्षेपको विरुद्धमा रूस, चीन जस्ता शक्तिराष्ट्रहरू उभिएपछि राष्ट्रपति मदुरोलाई केही राहत अनुभव भएको विश्लेषण अन्तर्राष्ट्रिय सञ्चारमाध्यमले गरेका छन् ।
राष्ट्रपति निकोलास मदुरोले आफ्नो देशमा गहिरिएको संकटका बीचमा आफ्नो पक्षमा अन्तर्राष्ट्रिय समर्थन जुटाउने कोसिस गरिरहेका छन् । गत माघमा भेनेजुएलाको राष्ट्रिय सभामा विपक्षी नेता हुवान गुवाइदोले आफूलाई अन्तरिम राष्ट्रपति घोषणा गरेका थिए । गुवाइदोको उक्त कदमलाई अमेरिकन एलायन्सका केही देशहरू र युरोपका केही देशहरूले समर्थन गरे तर विश्वका शक्तिराष्ट्र मानिने चीन र रूसले भेनेजुएलाको आन्तरिक मामिलामा कसैले हस्तक्षेप गरे ‘नराम्रो’ हुने चेतावनी दिएका थिए ।
राष्ट्रपति पुत्र अर्नेस्टोको नेपाल भ्रमणलाई उतिबेला सत्तारूढ दलका अध्यक्ष प्रचण्डले गरेको समर्थनको सम्मान भन्न सकिने नेकपाका एक नेताको भनाइ छ । ‘अन्तर्राष्ट्रिय समर्थन जुटाउने भेनेजुएलाको प्रयासस्वरूप यो भ्रमण भएको अनुमान गर्न सकिन्छ,’ उनले भने ।
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...