कात्तिक १७, २०८०
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
काठमाडौं– सरकारले आर्थिक वर्षको अन्तिममा आएर तीव्र रूपमा बजेट खर्च गरेको छ । शनिवारसम्म कुल बजेटको ७७ प्रतिशत खर्च गरेको सरकारले मंगलवारसम्म करीब ८४ प्रतिशत खर्च गरेको छ ।
विदाको दिन समेत निकासा गरेर शनिवारसम्म १० खर्ब १६ अर्ब ३३ करोड ४४ लाख रुपैयाँ खर्च गरेको सरकारले विगत ३ दिनदेखि सर्वसाधारणलाई सूचनाको पहुँचबाट वञ्चित गरेको छ । यसअघि शनिवार मात्रै २ अर्ब ८६ करोड ६९ लाख रुपैयाँ निकासा गरिएको थियो ।
अर्थ मन्त्रालयका प्रवक्ता उत्तरकुमार खत्रीले बुधवार दिउँसो लोकान्तरलाई दिएको जानकारी अनुसार कुल बजेट खर्च ८४ प्रतिशत पुगिसकेको छ । यद्यपि उनले मंगलवारसम्मको तथ्याङ्क आफूले जानकारी दिएको र पछिल्लो तथ्याङ्कबारे अपडेट हुन नपाएको बताए । उनले दिएको जानकारी अनुसार चालू खर्च ८६ प्रतिशत, पूँजीगत खर्च ७६ प्रतिशत तथा वित्तीय व्यवस्थापन खर्च ९१ प्रतिशत भएको छ ।
महालेखा नियन्त्रकको तथ्यांक अनुसार शनिवारसम्म पूँजीगत खर्च ६३ दशमलव ५० प्रतिशत रहेको थियो ।
कुल ३ खर्ब १३ अर्ब ९९ करोड ८२ लाख रुपैयाँ बजेटमध्ये शनिवारसम्म २ खर्ब ९४ करोड ३७ लाख रुपैयाँ खर्च गरिएको थियो ।
त्यस्तै चालूतर्फ शनिवारसम्मको खर्च ८२ प्रतिशत र वित्तीय व्यवस्थातर्फ ७८ प्रतिशत खर्च रहेको थियो ।
यसरी ३ दिनमा मात्रै बजेटको ठूलो हिस्सा खर्च भएको भन्दै आलोचना हुने भएपछि सरकारले आलोचनाबाट जोगिन सर्वसाधारणलाई सूचनाको पहुँचबाट वञ्चित गरेको छ ।
यसअघि महालेखा नियन्त्रक कार्यालयको वेइवसाइट मार्फत् दैनिक बजेटरी तुलनात्मक विश्लेषण सार्वजनिक गर्दै आएकोमा आइतवार साँझदेखि सो विवरण लुकाइएको छ ।
महालेखा नियन्त्रक कार्यालयका प्रवक्ता जगन्नाथ देवकोटाले वेबसाइटमा खराबी आएका कारण विवरण नदेखिएको र मंगलवार साँझदेखि सञ्चालनमा आउने बताएपनि वेबसाइट अझै संचालनमा आएको छैन । खराबीकै कारण आफूहरू पनि तथ्याङ्कबारे अपडेट हुन नपाएको देवकोटाको भनाइ थियो ।
यसअघि निरन्तर रूपमा सार्वजनिक गर्दै आएको खर्च तथा राजश्व संकलन लक्ष्य अनुरुप नभएपछि अर्थमन्त्रीले आलोचनाबाट जोगिन महालेखाको वेइवसाइटमा देखिने विवरण लुकाउन लगाएको स्रोतले जानकारी दिएको छ ।
तर, अर्थ मन्त्रालयका प्रवक्ता खत्रीले भने त्यसको बचाउ गरेका छन् । उनले मन्त्री र सचिवलाई मात्रै पहुँच दिइएको भन्ने कुरा सत्य नभएको बताउँदै बचाउ गरे । ‘उनीहरुलाई मात्रै पहुँच भन्ने कुरा होइन’ उनले भने, ‘महालेखा नियन्त्रकको विषय भएकाले यसबारेमा उतै जानकारी होला । हामीलाई आएको जानकारी अनुसार सिस्टममै खराबी छ ।’
महालेखा नियन्त्रक कार्यालयका प्रवक्ता जगन्नाथ देवकोटाले सिस्टममै आएको खराबीका कारण सुचना देख्न नसकिएको बताए ।
त्यस्तै अर्थ मन्त्रालयका प्रवक्ता खत्रीले राजश्व संकलन समेत करीब लक्ष्यको नजिक पुगेको बताए । ‘राजश्व संकलन ८ खर्ब ३५ अर्ब भएको छ’ उनले भने, ‘८ खर्ब ६० अर्ब राजश्व संकलन गर्ने संशोधित लक्ष्य अनुसार यो संकलन करीब ९७ प्रतिशत हो ।’
आर्थिक वर्ष २०७५/०७६मा कुल १३ खर्ब १५ अर्ब १६ करोड १७ लाख रुपैयाँ बराबरको बजेट रहेको थियो । त्यसमा ८ खर्ब ४५ अर्ब चालुतर्फ, पुँजीगततर्फ ३खर्ब १३ अर्ब रुपैयाँको बजेट रहेको थियो ।
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...