काठमाडौं – भारतको असममा बाढी आएपछि शरण खोज्दै हिँडेको एउटा बाघ एकजना व्यक्तिको घरमा प्रवेश गरेर सुतिरहेको भिडियो सार्वजनिक भएको छ । 

भिडियोमा बाघ मस्तले सुतेको र पञ्जामा टाउको अड्याएको देखिन्छ । 

घरमालिक मोतीलाल र उनको परिवारले बिहीवार बिहान साढे ७ बजे बाघलाई घरभित्र सुतिरहेको देखे । 

वन्यजन्तु ट्रस्टका अधिकारीहरूले उक्त बाघ काजिरंगा राष्ट्रिय निकुञ्जबाहिरको राष्ट्रिय राजमार्गमा देखेको र त्यसपछि ऊ मोतीलालको घरको ग्यारेजमा गएको बताए । 

पशु उद्धारकहरूले सडकपारि पटाका पड्काएपछि बाघ जागेको थियो । त्यसपछि ऊ ग्यारेजबाट निस्किएर जंगलतिर लागेको थियो । 

उक्त क्षेत्रमा वर्षामा पानी पर्दा जनावरहरूले मानिसको घरमा शरण लिइरहेका छन् । 

बाघलाई शुरूमा निद्राबाट उठाइएको थिएन तर पछि उसलाई सुरक्षित तवरले हटाउनका लागि कामकारवाही गरिएको थियो ।

उद्धार टोलीले सडकको ट्राफिक एक घन्टासम्मका लागि रोकेको थियो अनि उसलाई उठाउन पटाका पड्काएको थियो । 

बाघ बेलुका साढे ५ बजे घरबाट निस्केर जंगलतिर गएको थियो ।

एजेन्सी