काठमाडौं-आईसीसी टी–२० विश्वकप क्रिकेट अन्तर्गत एसियाली छनोट प्रतियोगिताको दोस्रो खेलमा मलेसियाविरुद्ध नेपालका ज्ञानेन्द्र मल्लले अर्धशतक प्रहार गरेका छन् । 

वर्षाका कारण नियमित समयमा शुरू नभएपछि ९ ओभरमा छोट्याइएको खेलमा उनले २१ बलमा ५१ रन बनाएका हुन् । त्यसक्रममा उनले ५ चौका र ३ छक्का प्रहार गरेका हुन् । 

टस जितेर फिल्डिङ रोजेको नेपालले मलेसियालाई मात्र ८३ रनमा समेटेको छ । मलेसियाले दिएको ८४ रनको लक्ष्य पछ्याइरहेको नेपालले ६ दशमलव २ ओभरमै २ विकेट गुमाउँदै ७० रन बनाएको छ । आजको खेलमा कप्तानको भूमिका ज्ञानेन्द्र मल्लले निभाइरहेका छन् । ओपनर प्रदिप ऐरीले १४ बलमा १२ रन बनाएका छन् । 

नेपालकाे नियमित कप्तान पारस खड्का र ललित नारायण राजवंशी आज मैदानमा छैनन् । उनीहरूको स्थानमा रोहितकुमार पौडेल र प्रदीप ऐरीले खेलेका छन् । 

सिंगापुरको इन्डियन एसोसिएसन मैदानमा मंगलबार भएको खेलमा कतारले नेपाललाई ४ विकेटले पराजित गरेको थियो ।

Photo : Espncriinfo