काठमाडौं- आईसीसी टी–२० विश्वकप क्रिकेट अन्तर्गत एसियाली छनोट प्रतियोगिताको दोस्रो खेलमा नेपालले मलेसियालाई ७ विकेटले पराजित गरेको छ । 

मलेसियाले दिएको ८४ रनको लक्ष्य नेपालले खेल सकिन एक ओभर बाँकी छँदै जीत हात पारेको हो । 

वर्षाका कारण ९ ओभरमा झारिएको खेलमा टस हारेर पहिले ब्याटिङ गरेको मलेसियाले निर्धारित ओभरमा ७ विकेट गुमाउँदै ८३ रन जोडेको थियो । 

जवाफी ब्याटिङमा उत्रिएको नेपालका लागि कप्तान ज्ञानेन्द्र मल्लले अर्धशतकीय पारी खेले । उनले २१ बलमा ५१ रन बनाए भने प्रदीप ऐरीले १२ रन जोडे ।