साउन १, २०८०
लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ । स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...
जनप्रतिनिधिको सर्वोच्च निकाय प्रतिनिधिसभा तीन सातादेखि अवरुद्ध छ । साउन ८ गते जरुरी सार्वजनिक महत्त्वको प्रस्तावमा छलफलका लागि एकदिन सदन चलेपनि गएको असार २४ देखि अवरुद्ध छ । महत्त्वपूर्ण विषयमा छलफल हुनुपर्ने प्रतिनिधि सभा विगत २४ दिनदेखि अवरुद्ध रहँदा जनताका आवाज मुखरित हुने निकाय निष्प्रभावी बनेको छ ।
सर्लाहीमा भएका गोली काण्डमाथि संसदीय छानबिनको माग गर्दै प्रतिपक्षी दल नेपाली कांग्रेस र राजपाले नियमित रूपमा संसद् अवरुद्ध गर्दै आएका छन् ।
नेत्रविक्रम चन्द नेतृत्वको नेकपाका सर्लाही जिल्ला इञ्चार्ज कुमार पौडेलको प्रहरी इन्काउन्टरमा भएको भनिएको मृत्यु तथा सर्लाहीमै बालकको मृत्यु सम्बन्धमा विरोध प्रदर्शनमा उत्रिएका स्थानीय सरोजनारायण सिंहको प्रहरीले चलाएको गोली लागेर मृत्यु भएको घटनाको छानबिनका लागि संसदीय छानबिन गर्नुपर्ने प्रतिपक्षी दलको अडान छ ।
यी घटना छानबिनका लागि संसदीय छानबिन समिति गठन गर्ने कि नगर्ने भन्ने विवादका कारण संसद् अवरुद्ध छ । सर्लाही घटना सम्बन्धमा गृहमन्त्री रामबहादुर थापाले संसद्को बैठक र संसदीय समितिको बैठकमा स्पष्टीकरण दिँदै प्रहरीसँगको मुठभेडमै मृत्यु भएको दाबी गरेका छन् ।
स्वयं सत्तापक्षका सांसदहरूले सर्लाही इन्काउन्टरमा प्रश्न उठाएपनि सरकार र सत्तापक्ष संसदीय छानबिन समिति गठन गर्न राजी देखिएको छैन । घटना सम्बन्धमा सरकारको पर्याप्त ध्यानाकर्षण भएको र आफ्नो समेत ध्यान गएको सभामुख कृष्णबहादुर महराले संसद्को बैठकमा रुलिङ गरिसकेका छन् । तर सदनमा भइरहेको विरोधप्रति सरकार बेखबर जस्तै देखिएको छ ।
संसदीय छानबिन समिति गठन गर्ने/नगर्ने सभामुखको विशेषाधिकार हो, तर सभामुख ‘सत्तामुख’ बनेको प्रतिपक्षी आरोप छ । सभामुख सत्तामुख बनेको भन्दै प्रतिपक्षी सांसदले नाराबाजी गरेपछि सभामुखविरुद्ध बोल्न मनाही छ भनेर रुलिङ गर्नुपर्ने अवस्था सिर्जना भयो ।
संसदीय छानबिन समिति गठन गर्ने/नगर्ने विवादका कारण जनप्रतिनिधिमूलक संस्था संसद् यति लामो समयदेखि बन्धक बनेको छ ।
गैरन्यायिक हत्याको संसदीय छानबिन गर्नुपर्ने मागलाई गलत त भन्न सकिँदैन तर अन्य कयौं विषय सदनमा उठन सकेका छैनन् । हालैका सातामा देशका विभिन्न स्थानमा गएको बाढी पहिरोको र डुबानपीडितहरूले राहत पाउन सकेका छैनन् । देशमा बढ्दो महंगी र भ्रष्टाचारका विषयले सदनमा प्रवेश पाएका छैनन् । यी विषयमा सदनमा पर्याप्त छलफल हुनुपर्ने हो, त्यसो हुन सकिरहेको छैन ।
पछिल्ला दुईदिन संसद्मा केही अनौठा दृष्य देख्न पाइयो । संसदीय सर्वोच्चताको पाठ सिकाउँदै सभामुखले प्रतिपक्षी सांसदलाई लामो समयसम्म संसद्को वेलमा उभ्याए ।
प्रतिपक्षी सांसदहरूले अदालतमा विचाराधीन विषय र सभामुखविरुद्ध नाराबाजी गर्ने तथा सभामुखले आफूविरुद्ध बोल्न मनाही गरेको रुलिङ गर्ने काम भयो । जनताले तिरेको करबाट सुविधा लिएका सांसद र संसद् यस्तै हर्कत गर्ने ठाउँ हो ? हाम्रो संसद् कहिले रचनात्मक बन्ने ? जनताका समस्याको विषयमा कहिले छलफल गर्ने ? संसद् अवरुद्ध गर्ने उही पुरानै शैलीको अनुसरण गर्ने ?
प्रतिपक्षको कुरा सुन्नै नचाहने सरकारको असहिष्णु चरित्र र जे कुरामा पनि संसद् अवरुद्ध गर्ने प्रतिपक्षी शैली दुवै घातक छन् । जनप्रतिनिधिमूलक संस्था संसद्लाई सधैँभरी अनिर्णयको बन्दी नबनाऊ, संसद्मै निकास खोज, सार्वभौम संसद्को हुर्मत लिने काम बन्द गर । संसद्मा भइरहेका भद्दा क्रियाकलापले राजनीतिक प्रणालीप्रति नै आम जनतामा वितृष्णा जगाउने काम गरिरहेकोतर्फ कहिले ध्यान जाने ?
लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ । स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...
संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...
काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...
जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...
कार्यभार सम्हालेको एक वर्ष पुगेको अवसरमा प्रधानमन्त्री पुष्पकमल दाहाल ‘प्रचण्ड’ले मंगलबार राष्ट्रका नाममा सम्बोधन गर्दै कार्यशैली परिवर्तनको घोषणा गरेका छन् । ४५ मिनेट लामो सम्बोधनमा प्रचण्डले एक वर्षमा...
लोकान्तर सञ्चार प्रालिद्वारा सञ्चालित लोकान्तर डट्कम (Lokantar.com) स्थापनाको सात वर्ष पूरा गरेर आजदेखि आठौं वर्षमा प्रवेश गरेको छ । यस अवसरमा सबैभन्दा पहिला हामी हाम्रा समस्त पाठक, विज्ञापनदाता र शुभेच्छुकहरूप्...
स्वधर्म भन्ने शब्द हामीमध्ये धेरैले सुन्ने गरेका छौँ । स्वधर्मको आदि शिक्षक, प्रचारक वा आचार्य भगवान् कृष्ण हुन् । उनले सर्वप्रथम अर्जुृनलाई यसको शिक्षा दिएका थिए कुरुक्षेत्रको युद्ध मैदानमा । यसका आधुनिक व्याख्याता भने ...
गठबन्धनको नयाँ समीकरणसँगै पुनर्गठित मन्त्रिपरिषद्मा नेकपा (माओवादी केन्द्र)का तीन मन्त्री दोहोरिए । पार्टी नेतृत्वको निर्णयप्रति केही युवा सांसदले आक्रोश व्यक्त गरे । माओवादी पार्टी एउटा भए पनि सहायक गुट धेरै छन्...
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...