पुस १६, २०८०
युवा लोकगायक अर्जुन सापकोटाले दाङको हापुरे महोत्सवमा दर्शक झुमाएका छन् । आइतवार मुख्य आकर्षणका रुपमा उपस्थित उनले आफ्ना चर्चित गीतहरू प्रस्तुत गरे । ‘हावा चिसो चिसो’, ‘पानी परेको...
बागलुङ – जिल्लाको जैमिनी नगरपालिकास्थित जैमिनी संकीर्तन समूहले लोपोन्मुख अवस्थामा रहेको लोकबाजा जोगाउन प्रयास थालेको छ ।
बर्सेनि युवापुस्तामा लोकबाजाप्रतिको मोह घट्दै गएको सन्दर्भमा संकीर्तन समूहले लोकबाजा प्रशिक्षण गरी युवापुस्तालाई आकर्षित गर्न थालेको हो ।
संकीर्तन समूहले बुधबार मात्रै १५ दिने लोकबाजा प्रशिक्षण कार्यक्रम सम्पन्न गरेको छ । जिल्लामा लोकबाजा हराउन थालेपछि समूह नै गठन गरेर लोकबाजाको संरक्षणमा लागेको जैमिनी संकीर्तन समूहका अध्यक्ष टेकबहादुर क्षेत्रीले जानकारी दिए ।
‘लोक संस्कृतिको धरोहरका रूपमा रहेको लोकबाजा पुस्ता हस्तान्तरण गर्न खोजेका हौं,’ क्षेत्रीले भने, ‘आगामी वर्षदेखि स्थानीय तहसँगै समन्वय गरेर नगरपालिकाको प्रत्येक वडामा लोकबाजा प्रशिक्षण गर्ने योजनामा छौं ।’
समूहले स्थानीय १६ लाई मादल, आठलाई हार्माेनियम, तीनलाई बाँसुरी, तीनलाई सारङ्गी र तीनलाई तबला गरी ३१ जनालाई लोकबाजा प्रशिक्षण गरिएको समूहका सचिव झपिन्द्रबहादुर क्षेत्रीले जानकारी दिए ।
समूहकै १ लाख ५० हजार रुपैयाँ खर्च गरेर तालिम दिइएपनि आगामी वर्ष जैमिनी नगरपालिकाले लोकबाजा संरक्षणका लागि ५ लाख रुपैयाँ विनियोजन गरेको छ ।
जैमिनी संकीर्तन समूह बागलुङ जिल्लाकै उत्कृष्ट भजन समूह भएका कारण यसको विकास गर्नका लागि नगरपालिकाले बजेटको व्यवस्थापन गरेको जैमिनी नगरपालिकाका उपप्रमुख लीला रानाले जानकारी दिए ।
तालिमपश्चात रोजगारीसमेत सिर्जना हुने गरी अपाङ्ग, असहाय, महिला र पुरुष गरी समानुपातिकरूपमा तालीममा सहभागी गराइएको समूहले जनाएको छ । तालीममा आफूले सोचेभन्दा सहभागीले राम्रो गरेको तालीमका प्रशिक्षक सूर्य घतानले बताए । ‘आफूले जुन लोकबाजा सिकाउने अपेक्षा गरेको थिएँ, त्योभन्दा राम्रो सिक्न सफल हुनुभएको छ,’ घतानले भने, ‘प्रशिक्षार्थीको लोकबाजा सिक्ने लगाव तीव्र भएकाले सिकाएको कुरा व्यवहारमा लागू हुनेमा ढुक्क छु ।’
अहिलेको युवापुस्ता नै संस्कृति जगेर्ना गर्न लागि नपरे मौलिक संस्कृति नै लोप हुने अवस्थामा आएका कारण पुस्ता हस्तान्तरण गर्नका लागि तालिमको आयोजना गरिएको हो । विशेषगरी लोकबाजा भन्नाले सारङ्गी, मादल, बाँसुरी, हार्माेनियम र तबलालाई बुझिएपनि खैजडी र मुजुरालाई पनि तालिमको विधामा राखिएको समूहका सचिव झपिन्द्रबहादुर क्षेत्रीले जानकारी दिए ।
तालिममा सहभागीमध्ये स्थानीय दृष्टिविहीन प्रविणी आचार्यले उत्कृष्ट हार्माेनियम बजाउन सफल भएको प्रशिक्षक घतानले जानकारी दिए । जैमिनी संकीर्तन समूहले राष्ट्रिय खुला भजन प्रतियोगितामा समेत प्रथम स्थान हासिल गर्न सफल भइसकेको छ ।
जिल्लामै उत्कृष्ट भजन गाउने समूहको रूपमा परिचित जैमिनी संकीर्तन समूहलाई भजन प्रतियोगिताबाहेकका अन्य कार्यक्रममा समेत निमन्त्रणा गर्न थालिएपछि बागलुङमा लोकबाजा र भजनप्रतिको मोह जाग्दै गएको हो ।
युवा लोकगायक अर्जुन सापकोटाले दाङको हापुरे महोत्सवमा दर्शक झुमाएका छन् । आइतवार मुख्य आकर्षणका रुपमा उपस्थित उनले आफ्ना चर्चित गीतहरू प्रस्तुत गरे । ‘हावा चिसो चिसो’, ‘पानी परेको...
‘यो मेरो पिरती’ बोलको लोकदोहोरी गीत गाउँदै कमला मगरले गायनमा डेब्यु गरेकी छन् । अहिलेका चर्चित गायक खेम सेञ्चुरीसँग उनले यो गीतमा स्वर दिएकी हुन् । रमेश परियारको शब्द एवं संगीत, कृ...
हाँस्य कलाकार सिताराम कट्टेल र कुञ्जना घिमिरेले वैवाहिक वर्षगाँठको अवसर पारेर ‘भगवान कसम’ बोलको गीत सार्वजनिक गरेका छन । १५ औं वैवाहिक वर्षगाँठको अवसर पारेर ‘धुर्मुस–सुन्तली&rsqu...
लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् । उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...
साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् । थुप्रै देशमा पुगेर आफ्नो स्वर गुञ्जाइस...
ओमनको साङ्गीतिक कार्यक्रम सकेर फर्किएकी गायिका रचना रिमाल देशभित्रका मेला–महोत्सवमा व्यस्त हुन थालेकी छिन् । विदेशको कार्यक्रम सकेर फर्किएसँगै केही गीत रेकर्ड गराएकी उनी फेरि महोत्सवमा पुग्न थालेकी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...