उत्तराखण्डको रूपकुण्डमा हाडैहाड, कसरी मरे यति धेरै मानिस ?

भदौ ४, २०७६

काठमाडौं – भारतको उत्तराखण्डमा रहेको रूपकुण्ड तालमा सयौं मानिसको हाडखोर भेटिने गरेको छ । त्यहाँ मर्ने मानिसमा ग्रीसेलीहरू पनि भेटिएका छन् ।

रूपकुण्डमा धेरै वर्षअघि प्राकृतिक विपत आएका कारण सयौं मानिस मारिएको विश्वास गरिन्छ । 


ADVERTISEMENT

अहिले एक भारतीय टोलीले जिनोम डीएनए डेटा विश्लेषण गरेको छ । त्यसमा विभिन्न किसिमका मानिस एक हजार वर्षअघि मरेका भेटिए । 

यस तालका बारेमा पहिलो जानकारी दोस्रो विश्वयुद्धमा बेलामा एक बेलायती गार्डले दिएका थिए । उनले समुद्र सतहभन्दा १६ हजार फीटमाथि हाडैहाड भेटेका थिए । 

हाडहरूको विश्लेषण गर्ने टोलीका नेतृत्वकर्ता वरिष्ठ चिकित्सक नीरज रायले भने, ‘रूपकुण्ड तालमा मरेका मानिस को हुन् र उनीहरू किन त्यहाँ पुगे र कसरी मरे भन्ने विषयमा पहिलेदेखि नै अनुमान हुने गरेका थिए ।’

ठूलो पहिरो आएर मानिस मरेकादेखि लिएर सामूहिक आत्महत्या भएको सम्मका व्याख्या गरिने गरेका छन् । तर हालै मात्र आएर अनुसन्धाताहरूले मृत्युको वास्तविक कारण पत्ता लगाएका छन् । 

अधिकांश मृतकहरूको खप्पर फुटेको छ र क्रिकेटको बल जत्रो आकारको असिनाले खप्पर फुटाएको अनुसन्धाताहरूको निष्कर्ष छ । 

मृतकको खप्पर र काँधको हाडमा गोलो वस्तुले माथिबाट हिर्काएको देखिएकाले त्यो असिना नै हुनुपर्ने उनीहरूले निष्कर्ष निकालेका हुन् । 

ओत लिने ठाउँ कतै नभएकाले त्यहाँ पुगेको समूह असिनाबाट बच्न नसकेको देखिन्छ । 

उनीहरूको शरीर तालमै जमिरह्यो अनि १२ सय वर्षपछि बल्ल पत्ता लाग्यो ।

कंकालबाट प्राप्त डीएनएको विश्लेषण गर्दा तीनथरी जेनेटिक समूहका मानिस भएको पत्ता लागेको छ । 

पहिलो समूहमा २३ जना छन् र तिनीहरू विभिन्न ठाउँका भारतीय हुन् । 

दोस्रो समूहमा १४ मानिस छन् र उनीहरू ग्रीसतिरका मानिस हुन् । 

तेस्रो समूहका मानिस चाहिँ दक्षिणपूर्वी एसियाका मानिस हुन् ।

एजेन्सी 

भदौ ४, २०७६ मा प्रकाशित

प्रतिक्रिया दिनुहोस