काँक्रेविहारको निर्माण कार्य पूरा

भदौ ६, २०७६

सुर्खेत - नेपालको एकमात्र संरक्षित वन 'काँक्रेविहार'मा रहेको भग्नावशेषलाई पुरातत्व विभागबाट उत्खनन् गरी पुनःनिर्माण कार्य थालनी गरिएपछि शुक्रवार शिखर शैलीको मन्दिर निर्माणको काम सम्पन्न भएको छ ।

शिखर शैलीमा निर्माण गरिएको मन्दिरमा गजुर राखिएसँगै मन्दिर निमार्णको काम सम्पन्न भएको हो ।


ADVERTISEMENT

वीरेन्द्रनगर नगरपालिकाका नगरप्रमुख देवकुमार सुवेदीले काँक्रेविहार प्रदेशको मात्र नभै देशको नै महत्वपूर्ण स्थल सरकारले बनाइसकेको बताए । 'काँक्रेविहारमा निर्माण भएको शिखर शैलीको मन्दिरको स्वरूपको आज हामी काँक्रेविहारको महत्वपूर्ण पाटो सम्पन्न गरेका छौं,' उनले भने, ‘स्थानीय जनप्रतिनिधि निर्माण संलग्न कालीगढी प्रदेशवासीहरूमा धन्यवाद व्यक्त गर्दछु ।'

काँक्रेविहारको सौन्दर्यता, विविधता पक्ष तथा यसलाई अध्ययन एव दर्शन केन्द्रका रूपमा विकास गर्नका लागि प्रदेश सरकार, संघीय सरकार, पर्यटन बोर्ड लगायत सरोकारवाला निकायसँग स्थानीय सरकारका तर्फबाट प्रस्ताव पेश गरिसकेको जानकारी दिदै काँक्रेविहारको सुन्दरता निखार्नका लागि सरोकारवाला निकायसँग समन्वय गर्ने प्रतिबद्धता व्यक्त गरे ।

‘काँक्रेविहार निर्माण सम्पन्न हुनुले अब पर्यटकको आगमनमा वृद्धि हुने मेरो अपेक्षा छ,' उनले भने, ‘काँक्रेविहार पुग्ने बाटोको ठेक्का भइसकेकोले अब निर्माण कार्य प्रारम्भ हुनेछ ।’

गुम्बा निर्माण समितिका अध्यक्षले नोर्बु गुरुङ्ले नेपालको ईतिहासमा २१ मिटरको अग्लो शिखर शैलीको मन्दिर निर्माण हुनु नै गौरव रहेको बताए । कार्यक्रममा कर्णाली प्रदेश सरकारका मुख्य न्यायाधिवक्ता विद्याभूषण मानन्धरले ऐतिहासिक काँक्रेविहारको पुनः निर्माण गर्ने काम सम्पन्न भएको छ अब यसको सुरक्षाका लागि वडा पालिका, प्रदेश सरकार तथा संघीय सरकार लाग्नुपर्ने बताउँदै अब काँक्रेविहारलाई विश्व सम्पदा सूचीमा सूचीकृत गर्नकालागि सरकारले पहल गर्नुपर्ने बताए ।

कार्यक्रममा वीरेन्द्रनगर नगरपालिका ९ नं वडा अध्यक्ष सुरेश मानन्धरले काम गर्दा वाधा अड्चन चुनौतीहरू थुप्रै आएता पनि आज सफलता मिल्दा खुशी लागेको बताए ।

 

भदौ ६, २०७६ मा प्रकाशित

शेरबहादुर थापा

थापा लोकान्तरकालागि कर्णाली प्रदेशका प्रतिनिधि हुन् ।

लेखकबाट थप...

प्रतिक्रिया दिनुहोस