काठमाडौं– नेपाल कम्युनिस्ट पार्टी (नेकपा)ले पार्टीले नेता कार्यकर्ताको बारेमा सार्बजनिक रुपमा आरोप प्रत्यारोप नगर्न मातहतका कार्यकर्तालाई निर्देशन दिएको छ ।

पार्टी केन्द्रीय कार्यालय धुम्बराहीमा सोमबार बसेको नेकपा सचिवालय बैठकले नेताको बारेमा आरोचना पार्टी भित्र मात्र गर्न सचेत गराएको हो । 

नेताका विरुद्ध सार्वजनिक अभिव्यक्ति दिएमा स्पष्टीकरण सहित कारवाही प्रक्रिया अगाडि बढाउने निर्णय भएको प्रवक्ता नारायणकाजी श्रेष्ठले जानकारी दिए ।

‘पार्टीको नेता, कार्यकर्ता या अन्य कमरेडको बारोमा कुनै कमरेडले कुनै कुरा व्यक्तिगत रुपमा उठाउनु परेमा पार्टीचित्र सचेत ढंगले या आफूलाई राख्ने निर्णय भइको छ, पार्टीभित्र छलफलको विषय बनाउनु पर्छ’ श्रेष्ठले भने, ‘पार्टी भित्र छलफलको विषय बनाउनु पर्नेछ । स्पष्टीकरणको प्रक्रिया अगाडि बढाउँदै आवश्यक कारवाही गर्ने निर्णय भएको छ ।’

यसअघि पार्टीका नेताहरुले अध्यक्ष पुष्पकमल दाहाल प्रचण्ड लगायत नेताहरुको व्यक्तिगत मामिलामा सार्वजनिक रुपमा टिकाटिप्प्णी गरेको भन्दै अनुसाशनको कारवाही गर्ने बहस भएको थियो ।

बैठकले केन्द्रीय समितिमा केही थप र विभागका इन्चार्जको हेरफेर सकेत गरेको छ ।