काठमाडौं – नेपाल कम्युनिस्ट पार्टी (नेकपा) का सचेतक देव गुरुङले माओवादी सशस्त्र द्वन्द्वको समयमा अमेरिकी सेनाको सहयोगमा स्थापना गरिएको सेनाको रेन्जर बटालियन खारेज गर्न माग गरेका छन् ।

सोमवार बसेको प्रतिनिधिसभा बैठकको शून्य समयमा नेकपा सांसद गुरुङले द्वन्द्वकालमा खडा भएको संरचना कायम राख्दा राष्ट्रियता खतरामा पर्ने बताएका हुन् ।

‘अमेरिकी सेनाको सहयोगमा स्थापना भएको रेन्जर बटालियन परिवर्तित अवस्थामा आवश्यक छैन । राष्ट्रियताको लागि जोखिम र खतरामा रहेको रेन्जर बटालियन खारेज गर्न सरकारको ध्यानाकर्षण गराउँछु,’ गुरुङले भने ।