काठमाडौं – अमेरिकाका राष्ट्रपति डोनल्ड ट्रम्पले अनौठा बयान प्रायः दिइरहेका हुन्छन् । 

यस्तै अनौठो कुरा गर्ने क्रममा एक अमेरिकी वेबसाइटका अनुसार, डोनल्ड ट्रम्पले अमेरिकातर्फ आइरहेको आँधीलाई रोक्नका लागि आणविक बम उपयोग गर्ने कुरा बताएका छन् । 

वेबसाइट एक्सियोसका अनुसार, ट्रम्पले अफ्रिकी तटबाट अमेरिकातर्फ बढिरहेको भयंकर आँधीको विषयमा बसेको बैठकमा आँधीलाई आणविक बम हान्ने जसले गर्दा त्यो अमेरिकामा नआइपुगोस् भने । 

उनले भने, ‘यी आँधीहरू अफ्रिकाको तटमा बन्छन् र आन्ध्र महासागर हुँदै अघि बढ्छन् । हामीहरूले आँधीको केन्द्रमा बम फ्याँकेमा त्यो रोकिन्थ्यो होला । हामी त्यसो गर्न किन सक्दैनौं ?’

बैठकमा उपस्थित अज्ञात स्रोतहरूलाई उद्धृत गर्दै एक्सियोसले लेख्यो – एक अधिकारीले हामी यसमा विचार गर्छौं भने । 

एक्सियोसको समाचारमा ट्रम्पले त्यही विषय पहिला पनि उठाएको उल्लेख छ । ट्रम्प प्रशासनका एक वरिष्ठ अधिकारीसँग कुरा गर्ने क्रममा उनले आँधीलाई आणविक बमले परास्त पार्ने कुरा गरेको सन् २०१७ मा राष्ट्रिय सुरक्षा परिषद्को मेमोमा उल्लेख गरिएको छ ।

एजेन्सी