काठमाडौं–  राष्ट्रिय प्रजातन्त्र पार्टीका अध्यक्ष कमल थापाले भिडियो कन्फरेन्समार्फत मन्त्रिपरिषद् बैठक बस्नु सरकारको वाहियात काम भएको टिप्पणी गरेका छन् ।

सोमबार सिंगापुरमा उपचाररत प्रधानमन्त्री केपी शर्मा ओलीको अध्यक्षतामा भिडियो कन्फरेन्समार्फत मन्त्रिपरिषद् बैठक बसेको  थियो । लगत्तै अध्यक्ष थापाले सरकारको यो कदम देखावटी तामझाम मात्रै भएको बताएका हुन् । 

सामाजिक सञ्जाल ट्वीटरमार्फत अध्यक्ष थापाले अहिले उपचाररत प्रधानमन्त्री ओलीलाई प्रोत्साहन गर्नुपर्ने भन्दै यो कामले त्यस्तो नदेखाएको बताए ।

प्रधानमन्त्री ओलीका राजनैतिक सल्लाहकार विष्णु रिमाललाई ट्विटरमा मेन्सन गर्दै अध्यक्ष थापाले लेखेका छन्, ‘न देशमा आपतकाल छ, न तत्काल विति हाल्ने काम छ, सरकार प्रति जनताको बितृष्णा बढदै छ, यस्तो अवस्थामा किन यस्तो वाईहात र देखावटी तामझाममा उपचाररत प्रमलाई प्रोत्साहित गरिन्छ ? '
 

न देशमा आपतकाल छ, न तत्काल विति हाल्ने काम छ, सरकार प्रति जनताको बितृष्णा बढदै छ, यस्तो अवस्थामा किन यस्तो वाईहात र देखावटी तामझाममा उपचाररत प्रमलाई प्रोत्साहित गरिन्छ? @BishnuRimal जी कमसेकम तपाईंले त सहि सुझाव दिनपर्ने हो। https://t.co/g8LnQ7FAEM

— Kamal Thapa (@KTnepal) August 26, 2019