काठमाडौं – फ्रान्सको बियारिजस्थित होटल दु पालाइमा चलिरहेको विकसित मुलुकहरूको जी७ शिखर सम्मेलनमा अमेरिकाका राष्ट्रपति डोनल्ड ट्रम्पले अनौठो व्यवहार देखाएका छन् । 

सम्मेलनको दोस्रो दिन आइतवार विश्वनेता तथा तिनीहरूका पत्नीहरू रात्रिभोजमा सरिक भएका थिए । 

ट्रम्पले जर्मनीकी चान्सलर एंगेला मर्कलसँग अभिवादन गर्दा ओठ चुमुर्क्याएको देखिएको थियो । उनी अमिल्दो अवस्थामा देखिएका थिए । फ्रान्सका राष्ट्रपति इम्मानुएल म्याक्रोंकी पत्नी ब्रिगिटले चाहिँ ट्रम्पलाई परम्परागत युरोपेली चुम्बन दिइन् । 

उता अमेरिकाकी प्रथम महिला मेलानिया ट्रम्प रातो वस्त्रमा निकै सुन्दर देखिएकी थिइन् । क्यानडाका प्रधानमन्त्री जस्टिन ट्रुडोले उनलाई गालामा चुम्बन गरेर स्वागत गरे ।

रात्रिभोजअघि विश्वनेता र तिनका पतिपत्नीहरूले आमन्त्रित पाहुनासँग पारिवारिक तस्वीर लिए ।

मर्कलले म्याक्रोंसँग बेस्सरी कुराकानी गरेको देखियो असन उनले क्यामरामा खासै हेरिनन् भने अन्य नेतागण चाहिँ स्थिर उभिएर क्यामरालाई पोज दिए । 

अफ्रिकी मुलुकका नेताहरू, अस्ट्रेलियाका प्रधानमन्त्री तथा चिलीका राष्ट्रपति पनि जी७ सम्मेलनमा म्याक्रोंको निम्तो मान्न आएका थिए र सामूहिक तस्वीरमा देखिए ।

एजेन्सी