कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
काठमाडौं - सरकारले किसानको हितको लागि भन्दै दूधको मूल्यमा प्रतिलिटर ६ रुपैयाँ मूल्य बढाउन लागेको छ ।
दूधको मूल्य बढाउने सम्बन्धमा कृषि तथा पशुपन्छी विकास मन्त्रालयले गठन गरेको कार्यदलले सिफारिस गरेको आधारमा दुग्ध विकास संस्थानले दूधको मूल्य प्रतिलिटर ६ रुपैयाँ बढाउन लागेको हो ।
संस्थानका महाप्रवन्धक शैलेन्द्र घिमिरेले दूधको मूल्य बढाउने विषयमा दुग्ध विकास बोर्डको बैठक बस्न लागेको बताए । ‘मूल्य बढाइसकेको छैन’ उनले भने, ‘मन्त्रालयले ६ रुपैयाँ प्रतिलिटरका दरले बढाउन भन्दै पत्र पठाएकाले के कति बढाउने भन्ने विषयमा एकछिनमा बैठक बस्न लागेको छ, ।’ बिहीवार बेलुका बस्ने बोर्ड बैठकले समितिले सिफारिस गरेको आधारमा दूधको मूल्य वृद्धि हुने घिमिरेले बताए ।
कार्यदलले दुई वर्षयता दूधको मूल्य नबढेको र किसानलाई मार्का परेको भन्दै दूधको मूल्य बढाउनु पर्ने सुझाव दिएको छ ।
कार्यदलका संयोजक बाबुकाजी पन्तका अनुसार कार्यदलले किसानले पशुलाई खुवाउने दानाको मूल्य बढेको, श्रमिक क्षेत्रको तलव, भत्ता बढेको लगायतका कारणले दूध उत्पादनको लागत बढेको र यसबीचमा दूधको मूल्य नबढेको भन्दै दूधको मूल्य बढाउन सिफारिस गरेको छ ।
२०७४ भदौ १ गते प्रतिलिटर ७० रुपैयाँ दूधको मूल्य निर्धारण भएको थियो । त्यसबेला पशु दानाको मूल्य २५ रुपैयाँ प्रतिकिलोका दरले रहेको अहिले ३९ रुपैयाँ प्रतिकिलो दानाको मूल्य पुगेको भन्दै दूधको मूल्य बढाउन उपयुक्त देखिने कार्यदलको सुझाव छ ।
त्यस्तै विद्युत महसुल देखि किसान क्षेत्रमा काम गर्ने श्रमिकको ज्याला समेत बढिसकेको अवस्थामा दूधको मूल्य बढाउन आफूहरूले सिफारिस गरेको पन्तले बताए । ‘दुई वर्षयता भएको मूल्यवृद्धि, किसानको दानाको मूल्य दुई वर्ष पहिला कति थियो लगायतका विषय विश्लेषण गरेका छौं पन्तले भने, ‘दूध उत्पादनमा लाग्ने श्रम ज्याला पनि बढेको छ । विद्युत महसुल बढेको छ । त्यो सबैलाई आधार मानेर हामीले सिफारिस गरेका छौं ।’
सरकारले दूधको मूल्य बढाउने अन्तिम तयारी गरिरहेका बेला किसानले भने मूल्य बढाउन भन्दा दूध उत्पादनमा लागने लागत घटाउन सकेमा राम्रो हुने प्रतिक्रिया दिएका छन् ।
दुग्ध किसान नारायण देवकोटाले सरकारले किसानकै लागि भनेर दूधमा प्रतिलिटर ६ रुपैयाँ मूल्य बढाउँदा पनि नपुग्ने भन्दै उत्पादन लगात घटाउने कार्यक्रम ल्याउनु पर्ने बताए । ‘दूधको मूल्य प्रतिलिटर ६ रुपैयाँ बढ्यो । उत्पादन गर्दाको लागत मूल्यकै आधारमा बढाउने भने त अझै पुग्दैन’ उनले भने, ‘हाम्रो प्रतिलिटर लागत ६० रुपैयाँ जति पर्छ । तर, त्यसलाई मूल्य मात्रै बढाउने भन्दा पनि लागत घटाउने नीति कार्यक्रम ल्याउन प¥यो सरकारले, ।’
सरकारले लागत घटाउने कार्यक्रम अन्तरगत उत्पादनको आधारमा अनुदानको कार्यक्रमहरू ल्याउनु पर्ने, कृषि ऋणमा सर्वसुलभ पहुँच पु¥याउने लगायतका कार्यक्रम रहेका छन् ।
त्यस्तै दानामा अनुदान दिने लगायतका कार्यक्रम सरकारले ल्याउन सकेमा दूध उत्पादनको लागत घट्ने किसानहरूले बताएका छन् ।
उत्पादनको आधारमा दिइने अनुदान हटाइयो
यसअघि सरकारले दूध उत्पादनको आधारमा दिँदै आएको अनुदान रकम संघीय सरकारले हटाएको छ ।
प्रतिलिटर एक रुपैयाँका दरले दूध उत्पादनमा संघीय सरकारले दिँदै आएको रकम हटाएको देवकोटाले बताए । ‘प्रदेश सरकारले उत्पादनको आधारमा दिने भनेर संघले उत्पादनको आधारमा दिँदै आएको अनुदान हटाएको छ’ उनले भने, ‘प्रदेश सरकारले दिने पनि कसैले पाएका छन् । कसैले पाएका छैनन्, ।’
उत्पादनको आधारमा दिइने अनुदानमा संघीय सरकारले एकमुष्ट रुपमा दिने व्यवस्था मिलाउन सकेमा प्रभावकारी हुने देवकोटाको भनाई छ ।
बिहीवार साँझ बस्न लागेको दुग्ध विकास बोर्डको बैठकपछि दूधको मूल्य बढाउने निर्णय हुने र बैठकले तोकेको दिनबाट बढेको मूल्य कार्यान्वयनमा आउने डिडिसीले जानकारी दिएको छ ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...