×

NMB BANK
NIC ASIA

राजनीतिक पहुँचको दुरुपयोग

सरकारी जग्गा कांग्रेस नेताको नाममा, मालपोतका कागजात गायब

भदौ २७, २०७६

NTC
Sarbottam
Premier Steels
Marvel

बुटवल – रूपन्देहीको सियारी गाउँपालिकाको करोडौं रूपैयाँ मूल्य बराबरको जग्गा भूमाफियाले कब्जा गरेका छन् । 

Sagarmatha Cement
Muktinath Bank

सियारी गाउँपालिका–१ (साविक चिल्हिया गाविस) को कित्ता नम्बर ४५ को ४ बिगाहा ९ कट्ठा ६ धुर जग्गा भूमाफियाले कब्जा गरी व्यक्तिको नाममा बनाएका छन् । 


Advertisment
RMC TANSEN
IME BANK INNEWS
shivam ISLAND

साढे चार बिगाहा जग्गा रूपन्देहीको देवदह–१ (साविक केरवानी गाविस–२) ढेकवारका विशाल तामाङको नाममा लालपूर्जा बनेको छ । 


Advertisment
Nabil box
Kumari

सरकारी स्रेस्ताको जग्गामा कसरी व्यक्तिको नामको लालपूर्जा बन्यो भन्ने प्रमाण मालपोत कार्यालयबाटै ‘गायब’ पारिएको छ । साबिकको चिलिया गाविस–९ सोनारेट गाउ“ अहिलेको सियारी गाउ“पालिका–१ मा पर्छ । जग्गा स्थानीय चिलिया माविले २०३५ सालदेखि प्रयोग गर्दै आएको थियो ।

Vianet communication
Laxmi Bank

रूपन्देहीको गाविस/नगरपालिका नखुलेको तर वडा नम्बर २ उल्लेख भएको शंखबहादुर तामाङको नाति देवबहादुर तामाङको छोरा विशाल तामाङले मालपोत कार्यालय भैरहवाबाट २०७१ माघ १८ गते जग्गाको लालपूर्जा बनाएका छन् । सो जग्गा कब्जाको विषयले रूपन्देहीमा तरंग ल्याएको छ ।

सियारी गाउँपालिकाका अध्यक्ष अयोध्या थारूले जनप्रतिनिधि नआउँदै भूमाफियाले कब्जा गरी लालपूर्जा लिएको पाइएको बताए । ‘यो सरकारी जग्गा हो । लालपूर्जा बनाउने तामाङ नेपाली कांग्रेस रूपन्देही सभापति तथा पूर्व खानेपानी राज्यमन्त्री अब्दुल रज्जाकको स्वकीय सचिव रहेछन् । यसलाई गम्भीरताका साथ लिई आवश्यक कारवाही प्रक्रिया अगाडि बढाउँछौं,’ उनले थपे, ‘कांग्रेस सरकारमा रहेको बेला विभिन्न जालझेल गरी कब्जा गरेको देखिन्छ । हामी यसलाई रोकेरै छाड्छौं ।’

कांग्रेस रुपन्देही सभापति रज्जाकले तामाङ आफ्नो स्वकीय सचिव नभएको बताए । ‘तामाङ तरुण दलमा आवद्ध छ । के पोस्टमा छ त्यो पनि मलाई थाहा छैन,’ रज्जाकले लोकान्तरसँग भने, ‘कांग्रेस कार्यकता चाहिँ हो । म मन्त्री हुँदा स्वकीय सचिव भएको थिएन । अझै बुझ्न पनि सकिन्छ तर सरकारी जग्गा कब्जा गर्नेलाई जो कोही भएपनि संरक्षण गर्न हुँदैन ।’

सियारी गाउँपालिकाले सार्वजनिक जग्गा संरक्षण गर्नुको साटो भूमाफियासँग साँठगाठ गरी जग्गा व्यक्तिको नाममा दर्ता गर्न सिफारिस दिएको आरोप कांग्रेसमाथि लागेको छ । 

तामाङलाई पटक–पटक सम्पर्क गर्दा खोज्दा उनको फोन रिसिभ भएन । उनी ठेक्कापट्टाको काम गर्छन् । उक्त जग्गा २०७५ मंसिर २६ गते मालपोतबाटै प्रतिलिपि पनि लिएका छन् । मालपोतको स्रेस्तामा मिसिल नम्बर २८ बाट जग्गा विशालको नाममा आएको उल्लेख छ तर मालपोत कार्यालयमा ‘मिसिल नम्बर २८ नै गायब’ छ ।

मालपोत र नापी कार्यालयको फिल्ड बुकमा अहिले पनि जग्गा ऐलानी उल्लेख छ । क्षेत्रफल ४ बिघा ६ कट्ठा ९ धुर नै छ तर मालपोत कार्यालयले जारी गरेको लालपूर्जामा जग्गाको क्षेत्रफल ४ बिघा ९ कट्ठा ६ धुर उल्लेख छ ।

‘जग्गा सरकारी नै हो,’ मालपोत कार्यालयका सूचना अधिकारी ईश्वरी अर्यालले भने, ‘खै कसरी व्यक्तिको लालपूर्जा बन्यो, मिसिल र सबै कागज खोजी हुनुपर्छ ।’ जग्गा भैरहवाको लखनचोकबाट पश्चिममा पर्छ । जग्गा तिनाउ नदीको उकास क्षेत्र हो । जग्गा नजिकै २ ठूला उद्योग पनि छन् ।

खोला किनारसमेत भएकाले त्यस जग्गा आसपासबाट वडा कार्यालयले वार्षिक १ करोड रुपैया“ बढीको नदीजन्य पदार्थ मात्र बिक्री गर्छ । जग्गाको मूल्य प्रतिकट्ठा १० लाख रुपैया“भन्दा बढी पर्छ । वडाध्यक्ष अरुणकुमार शाहीले सरकारी जग्गा भएकाले विद्यालयले २०३५ सालदेखि नै उपयोग गर्दै आएको बताए । ‘अहिले व्यक्तिले लालपूर्जा बनाएको सुनेका छौं,’ उनले भने, ‘तर उपभोग गर्न दिँदैनौं ।’

जग्गा माफियाले आफूलाई अनेक प्रलोभन र धम्की दिएर अहिले पनि सिफारिस माग्ने गरेको तर नदिएको उनले बताए । स्थानीयको सरजमिन मुचुल्का विना नै मालपोत कार्यालयको मिलेमतोमा जग्गा व्यक्तिको नाममा गएको भन्दै उनले त्यसको अनुसन्धान गरी लालपूर्जा खारेज गर्न माग गरे ।

नेकपा देवदह–१ वडा कमिटी अध्यक्ष गणेश खालीले तामाङ रज्जाकको नजिकको व्यक्ति भएको दाबी गरे । उनले स्थानीय तहको निर्वाचनको बेलामा तामाङ देवदह नगरपालिका प्रमुख हिराबहादुर खत्रीको प्रचारप्रसारमा हिँड्ने गरेको बताए । रज्जाक रुपन्देही आउँदा पनि उनीसँग हिँड्ने गरेको उनले बताए ।

hAMROPATRO BELOW NEWS
TATA Below
पुस २५, २०८०

आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...

कात्तिक २१, २०८०

भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...

कात्तिक १७, २०८०

 काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ ।  सामाजिक सञ्जालबाट ‘कल गर्ल’ उपल...

कात्तिक २१, २०८०

पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...

कात्तिक १५, २०८०

बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...

कात्तिक २०, २०८०

काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x