मौसम प्रतिकुल भएपछि पोखरासहित तीन विमानस्थलका उडान रद्द

भदौ ३१, २०७६

काठमाडौं– लगातारको झरीका कारण मौसम प्रतिकुल भएपछि पोखरासहित तीन विमानस्थलका उडान रद्द  भएका छन् । 

मौसम प्रतिकुल भएपछि पोखरा विमानस्थल, तुम्लिङटार विमानस्थल र भरतपुर विमानस्थलको उडान रद्द भएको  त्रिभुवन अन्तराष्ट्रिय विमानस्थल प्रहरी प्रमुख सूर्यप्रसाद उपाध्यायले लोकान्तरलाई जानकारी दिए । उनका अनुसार,  अधिकांश हिमाली उडानहरु रोकिएका छन् । 


ADVERTISEMENT

यसैबीच, अविरल वर्षा र बाक्लो हुस्सुका कारण मौसम प्रतिकुल बनेपछि लुक्लाबाट काठमाडौंका लागि उडेका ४ वटा हेलिकप्टर काभ्रेको पाँचखालमा आकस्मिक अवतरण गरेका छन् ।

लुक्लाबाट विदेशी पाहुना लिएर काठमाडौ आउँदै गरेका चारवटै हेलिकप्टर मौसम प्रतिकुल भएपछि धान खेतमा अवतरण गरिएका हुन् ।

भदौ ३१, २०७६ मा प्रकाशित

प्रतिक्रिया दिनुहोस