चाडपर्वमा बिगमार्टको अफर, छठपर्वसम्म यी सामानमा छुट

भदौ ३१, २०७६

काठमाडौं– बिगमार्टले चाडपर्व लक्षित अफर सार्वजनिक गरेको छ । दशैं, तिहार तथा छठपर्वको अवसर पारेर बिगमार्टले आफ्नो ब्राण्डको सामान खरिदमा छुट अफर ल्याएको हो । बिगमार्टले मंगलवार एक विज्ञप्ति सार्वजनिक गर्दै  बुधवार देखि आफ्ना करिब २ सय वस्तुमा  छुटको व्यवस्था गरेको जानकारी दिएको हो ।

बिगमार्टले मूख्य आकर्षण अन्तर्गत सनफ्लावर तेलदेखि जिरा मसिनो चामलसम्मका खाद्यान्नमा छुट अफर गरेको छ ।


ADVERTISEMENT

जस अनुसार अमृत सन फ्लावर तेल प्रतिलिटर ५ रुपैयाँ छुट, मुसुरो दालमा प्रतिकेजी १५ रुपैयाँ छुट, चिउरा प्रतिकेजी १० रुपैयाँ, रातो चना प्रतिकेजी ६ रुपैयाँ, डिडिसी घिउ प्रतिकेजी ५० रुपैयाँ, धारा तेल प्रतिलटिर १८ रुपैयाँ र चिनी प्रतिकेजी ७ रुपैयँका दरले छुट दिएको बिगमार्टले जानकारी दिएको छ ।

बिगमार्टका अनुसार जिरामसिनो चामलमा प्रतिबोरा १ सय २६ रुपैयाँ छुट गरिएको छ ।

बिगमार्टले आफ्ना ३७ वटै शाखामा चाडपर्व लक्षित छुटको अफर गरिएको जानकारी दिएको हो । यसअघि पनि नौ वर्षअघि यस्तै अफर लिएर बजारमा गएको र बिगमार्टले उपभोक्ताको मन जित्न सफल भएकाले यस वर्षपनि उपभोक्ता सामु छुट अफर ल्याएको बिगमार्टको भनाई छ । मूख्य आकर्षणसहीत करिब २ सय वस्तुमा छुट दिइएको विगमार्टको भनाई छ ।

सरकारले समेत नीजि क्षेत्रलाई सुपथ मूल्य पसल सञ्चालनका लागि आह्वान गरेकोले चाडपर्वमा छुटसहित बजारमा आउन सजिलो भएको बिगमार्टका आर्थिक प्रशासन प्रमुख विवेक देवले बताए । सरकारले गत भदौ २३ मा सहुलियत मूल्य पसल सञ्चालनमा ल्याउँदा वाणिज्य, आपुर्ति तथा उपभोक्ता हित संरक्षण विभागका महानिर्देशक योगेन्द्र गौचनले बताएका थिए ।

यसअघि सन् २००९मा काठमाडौंको कमल पोखरीस्थित सिटी सेन्टरमा पहिलो बिगमार्ट स्टोर सञ्चालनमा ल्याइएको थियो । त्यसपछि बिग मार्टले आफ्नो सञ्जाल विस्तार गर्दै गएको छ । हाल बिगमार्टका ३७ वटा शाखा रहेका छन् ।

यो सुपर स्टोरले बजारको मूल्यमा नै तरकारी र फलफूल उपलब्ध गराउँदै आएको छ । यसका साथै हरेक दिन बेलुका तरकारीहरुमा विशेष छुटको व्यवस्था समेत गरेको छ । घरायसी प्रयोजनका लागि प्रयोग हुने खाद्य सामग्रीहरु, सरसफाइका सामग्री तथा पेय पदार्थ लगायतका सामानमा विशेष छुट दिइएको बिगमार्टको भनाई छ ।

यसैबीच बिगमार्टले आगामी ३ असोज देखि आफ्नो नयाँ शाखा ललितपुरको हरिसिछिमा सञ्चालनमा ल्याउने भएको छ । बिगमार्ट सुपरमार्केटले अबको दुई वर्षमा ६० वटा स्टोर सञ्चालनमा ल्याउने लक्ष्य बनाएको छ ।

भदौ ३१, २०७६ मा प्रकाशित

प्रतिक्रिया दिनुहोस