काठमाडौं– गत असारमा २८ खर्ब ७८ अर्ब रुपियाँ रहेको वाणिज्य बैंकको कुल निक्षेप भदौसम्म २८ खर्ब ६५ अर्ब रुपैयाँमा सिमित भएको छ ।

दुई महिनामा बैंकको कुल निक्षेप करिब १३ अर्ब रुपैयाँले घटेको हो । बढ्दो आयात, कम सरकारी खर्च, ग्राहकले पैसा आफैंसँग राख्ने प्रवृत्ति, पुँजी पलायनलगायतका कारण बैंकको ििनक्षेप घटेको जानकार बताउँछन् ।

निक्षेप घटेपछि बैंक तथा वित्तीय संस्थामा तरलता  (लगानीयोग्य रकम) अभाव फेरि चर्किन थालेको छ  ।  तीन महिनाको अवधिमा २८ वटा वाणिज्य बैंकले करिब ५० अर्ब रुपैंयाँ थप कर्जा लगानी गरेका छन् ।

तथ्यांकले गएको तीन महिनामा निक्षेप १३ अर्बले घट्दा बैंकले ५० अर्ब रुपैयाँ थप कर्जा विस्तार गरेको देखिन्छ ।

निक्षेप घटिरहँदा बैंकले आक्रामक रूपमा कर्जा विस्तार गरेकाले विजत्तीय क्षेत्रमा सम्पत्ति तथा दायित्वबीचको सन्तुलन नमिलेको विज्ञहरूको विश्लेषण छ । कान्तिपुर दैनिकमा खबर छ ।