काठमाडौं – मेक्सिकोको एक शहरका स्थानीयहरूलाई आफ्ना मेयरले चुनावका बेलामा गरेको वाचा पूरा नगरेकोमा चरम असन्तुष्टि रहेकाले उनलाई अपहरण गरेर ट्रकको पछाडि बाँधेर घिसारेका छन् । 

होर्गे लुइस इस्कान्दोन हर्नान्डेज नामक गरेका ती व्यक्ति दक्षिणी शहर लास मार्गरितासका मेयर हुन् । उनलाई मंगलवार उनकै कार्यालयबाट अपहरण गरी ट्रकमा बाँधिएको थियो र शहरभरि घुमाइएको थियो । 

मेयरले स्थानीय सडक मर्मत गर्ने भनी चुनावमा वाचा गरेका थिए र पूरा गरेनन् । त्यसैले स्थानीयहरू उनीप्रति निकै क्रुद्ध थिए । 

घटनामा उनलाई गम्भीर चोटपटक लागेको छैन । 

घटनाको भिडियोमा उनलाई समातेको अनि केही व्यक्तिहरूले उनलाई ट्रकतर्फ घचेडेको र हेर्ने मान्छेहरूले गिज्याएको देखिन्छ । केही मानिस चाहिँ मेयरलाई समात्न रोक्न खोजेका देखिन्छन् । 

प्रहरीले घटनाको अनुसन्धान गरिरहेको छ र ११ जनालाई पक्राउ गरिएको छ । घटनामा १० जना मानिस घाइते भएका छन् । 

Momentos en que pobladores del ejido de Santa Rita en las Margaritas Chiapas, el alcalde Jorge Luis Escandón Hernández, es sacado de las oficinas para ser arrastrado por las calles, por no cumplir con las obras prometidas. pic.twitter.com/6rqrc0IBxg

— Jυαɴ Mαɴυel 🥑 (@dipjm) October 8, 2019

एजेन्सी