काठमाडौं – जापानको क्योदो न्युज सर्भिसले हागिबिस ताइफूनका कारण १९ जनाको मृत्यु भएको र १६ जना हराइरहेको जनाएको छ । ताइफूनका कारण जापानमा विशाल बाढी आएको छ । 

करीब १०० सया घाइते भएको क्योदोले जानकारी दिएको छ ।

सरकारी उद्धार टोलीहरूले आइतवार बाढीका कारण घरमा फसेका मानिसलाई उद्धार गर्न हेलिकप्टर र डुंगाहरू उपयोग गरिरहेका छन् । राजधानी टोक्यो र वरिपरिका क्षेत्र लगयात देशभरि उद्धारकार्य जारी छ । 
हताहतीको संख्या बढिरहेको छ । 

विज्ञहरूले ताइफूनका कारण पुगेको क्षतिको मूल्यांकन गर्न गाह्रो हुने चेतावनी शुरूदेखि नै दिँदै आइरहेका छन् किनकि बाढीका कारण एक दर्जनभन्दा बढी नदीको जलस्तर बढेको छ ।

एजेन्सी