काठमाडौं – कर्मचारीहरू हप्ताको लगभग पौने तीन घन्टा आफ्नो जागिरको गुनासो गरेर बिताउने अनि अर्को ३१ मिनट चाहिँ हाकिमको कुरा काटेर बस्ने एक अध्ययनले देखाएको छ । 

बेलायतको एक परोपकारी संस्था सीएबीएको अध्ययनअनुसार, कर्मचारीले गर्ने सबभन्दा ठूलो गुनासो धेर काम गर्नुपरेको अनि कामको उचित मूल्यांकन नगरिएको नै हुने गर्छ । त्यसपछि उनीहरू तलबको र सहकर्मीहरूको गुनासो गर्छन् । 

कार्यालयमा हुने अन्य तनावका कारणमा अफिस टाइम सकिएपछि जागिरसँग सम्बन्धित इमेल हेर्नुपर्ने, अन्तिम मिनटका डेडलाइन पूरा गर्नुपर्ने र बढी काम दलाउने व्यवस्थापकमुनि बसेर काम गर्नुपर्ने लगायत पर्छन् । 

सीएबीएका मनोवैज्ञानिक तथा प्रवक्ता रिचर्ड जेन्किन्सले भने, ‘अलिकति दबाबले हामीलाई थप राम्रो काम गर्न प्रेरित गर्छ । तर बढी दबाब भयो भने चाहिँ तनावको स्थिति आउँछ ।’

एजेन्सी