×

NMB BANK
NIC ASIA

बधशालाका नाममा पहिलै ५ करोड स्वाहा, काम नलाग्ने भवन बनेपछि फेरि १० करोड विनियोजन !

असोज २७, २०७६

NTC
Sarbottam
Premier Steels
Marvel

बुटवल – बुटवलमा चार वर्ष अगाडि यस क्षेत्रका जनतालाई स्वच्छ मासु खुवाउने उद्देश्यसहित बुटवलमा पशु बधशाला निर्माण भयो ।

Sagarmatha Cement
Muktinath Bank

कृषि मन्त्रालयअन्तर्गतको पशुपन्छी बजार निर्देशनालय र तत्कालीन बुटवल नगरपालिका (हाल उपमहानगर) को लगानीमा निर्माण गरिएको बधशालाको भवन निर्माण पूरा भएर पनि सञ्चालनमा आउन सकेन । 


Advertisment
RMC TANSEN
IME BANK INNEWS
shivam ISLAND

उक्त भवनमा बधशाला सञ्चालन गर्न उपयुक्त नभएको निष्कर्ष प्राविधिक टोलीले निकाल्यो । राज्यको झण्डै पाँच करोड रूपैयाँ लगानी ‘बालुवामा पानी’सरह भयो । 


Advertisment
Nabil box
Kumari

सरकारी निकाय असफल भएपछि फेरि अहिले प्रदेश पाँचको भूमि व्यवस्था कृषि तथा सहकारी मन्त्रालय र बुटवल उपमहानगरपालिकाले एनजीओ (हेफर परियोजना) लाई अगाडि सारेर सोही स्थानमा नयाँ बुटवल मासु उत्पादन तथा प्रशोधन परियोजना (पशु बधशाला) बनाउने योजना ल्याएको छ । त्यसका लागि प्रदेश सरकारले ७ करोड र बुटवल उपमहानगरपालिकाले ३ करोड रूपैयाँ बजेट विनियोजन समेत गरेका छन् ।

Vianet communication
Laxmi Bank

राज्यले करोडौं रूपैयाँ लगानी गरी बनाएर बधशाला सञ्चालनमा नआएपछि फेरि अर्को बधशाला बनाएर सञ्चालन आउला भन्ने सर्वसाधारणको आशंका छ । 

भूमि व्यवस्था कृषि तथा सहकारी मन्त्रालयका सचिव बैकुण्ठ अधिकारीले विगतका कमी कमजोरीलाई सच्चाएर अगाडि बढ्ने बताए । ‘विगतमा केही कमजोरीले बनेको बधशाला पनि सञ्चालनमा आउन सकेन । अब त्यस्तो हुँदैन । बधशाला बन्छ । सञ्चालनमा आउँछ । त्यसका लागि प्रदेश सरकारले निगरानी गर्छ ।’ 

बुटवल–१० रामनगरमा ५ वर्ष पहिले बनेको भवन अलपत्र छ । बुटवलमा दैनिक २ हजार ५ सय पशुपन्छी बध गरिँदै आएको छ । नयाँ बधशालाको टेन्डर प्रक्रिया शुरू हुँदैछ । 

बुटवल उपमहानगरपालिकाका उपप्रमुख गुमादेवी आचार्यले सार्वजनिक निजी साझेदारीमार्फत् बनाउने योजना सफल नहुँदा आफूहरू नयाँ प्रक्रियामार्फत निर्माणको थालनी गरिएको बताइन् । ‘अब विगतजस्तो असफल हुँदैन ।

बन्छ, चल्छ बुटवलमा बधशाला । हामी फरक सोचका साथ अगाडि बढेका छौं,’ उपप्रमुख आचार्यले भनिन् । बधशाला दिगो रूपमा सञ्चालनका लागि सार्वजनिक क्षेत्र, उत्पादक, मासु व्यवसायी तथा उपभोक्ताहरूको सक्रिय सहभागितामा सञ्चालन गर्दै गर्न लागेको नगरपालिकाको भनाइ छ । 

यस अगाडि बधशालाका लागि बनेको भवन बुटवल– ८ का वडाध्यक्ष भीमप्रसाद श्रेष्ठले बनाएका थिए । उक्त भवनमा खसीबोका सहित राँगा र पाडा पनि काट्ने गरी बनाइएको थियो । नेपालमा अहिलेसम्म व्यवस्थित बधशाला बनेको छैन । प्रदेश सरकारले बुटवलको बधशालाका लागि ७ करोड, नेपालगञ्जका लागि ७ र दाङका लागि २ करोड रूपैयाँ विनियोजन गरिएको सरकारले जनाएको छ ।  

बधशाला सञ्चालन समितिका उपसंयोजक तथा मासु व्यवसायी संघ नेपाल रूपन्देहीका अध्यक्ष कृष्णप्रसाद पौडेलले अहिले व्यवसायीको पनि लगानी गर्ने भएपछि बधशाला सञ्चालनमा आउने आशा व्यक्त गरे । 

‘विगतका बधशालाको प्रक्रिया र मापदण्ड नबुझी बनाउन असफल भयो । अब त्यस्तो हुँदैन । उत्पादक सहकारीदेखि सरकार र स्थानीय तहको लगानीमा बधशाला बन्छ, चल्छ भन्ने आशा छ,’ पौडेलले भने ।  

प्रदेश पाँचको राजधानी बुटवलमा मासुको खपत बढ्दो छ । बधशाला नहुँदा यहाँमा उपभोक्ताले स्वच्छ मासु खान पाएका छैनन् । यहाँमा मासु पसलहरूमा जथाभावी रूपमा मासु काट्दा फोहोर मासु बिक्री हुन्छ । विभिन्न समयमा हुने बजार अनुगमनका क्रममा मासु पसलहरू समेत सिल गरिएका छन् । 

बुटवलका स्थानीय शकंर पराजुलीले फेरि नयाँ बधशाला बनेर सञ्चालनमा आउला भन्नेमा आफूलाई शंका लागेको बताए । 

हेफरका कार्यक्रम निर्देशक डा. तीर्थराज रेग्मीले बधशालामा रूपन्देही, कपिलवस्तु, नवलपरासी, अर्घाखाँचीका बाख्रापालक किसान महिलाहरूको पनि लगानी रहने बताए । पहिले फेल भएको भवन चमेनागृहको रूपमा प्रयोग गर्न सकिने बताए ।

३४ रोपनी जग्गामा नयाँ बधशाला बन्ने रेग्मीको भनाइ छ । भवन बनेपछि महिला समूहले पनि लगानी गर्नेछन् । 

नेपालमा पशु बध गर्ने स्थलहरू प्रायः गरी व्यक्तिको घरपछाडि, अझै भनौं भने खोला तथा नदी किनारको छेउमा रहेको पाइन्छ । स्थानीय बजारमा अझै पनि खसी बोकाहरू ग्राहकको माग अनुसार दिनभरिनै बध गरिन्छ । 

बधशाला निर्माणमा आवद्ध ३ पक्षलाई एकठाउँमा ल्याई सहजीकरण गरिने, उत्पादक तथा मासु व्यवसायीहरूको कम्पनी निर्माण गरी लगानी र सहभागिता सुनिश्चित गर्ने, बधशाला निर्माणका लागि सकारात्मक वातावरण निर्माण गरिने रेग्मीले बताए ।

hAMROPATRO BELOW NEWS
TATA Below
फागुन २९, २०८०

एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...

पुस ८, २०८०

शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...

कात्तिक २७, २०८०

 तिहारकाे समयमा स्वदेशी पेन्ट्सको प्रयोग गरेर सरकारी निवासहरू चिटिक्क बनाइएको छ । यदि तपाईँ अहिले शीतलनिवासस्थित राष्ट्रपति भवन, बालुवाटारस्थित प्रधानमन्त्री निवास र प्रधान न्यायाधीशको निवासमा पुग्नुभयो...

कात्तिक २८, २०८०

नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...

माघ ८, २०८०

राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...

कात्तिक २४, २०८०

मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x