गैरआवासीय सङ्घमा ४२ पदमा ७६ को उम्मेदवारी, मतगणना बिहीबार

असोज २९, २०७६

गैरआवासीय नेपाली सङ्घको नयाँ नेतृत्वका लागि ७६ जनाले उम्मेदवारी दर्ता गराएका छन् । सङ्घका प्रमुख निर्वाचन आयुक्त शिव रिजालले ४२ पदका लागि ७६ ले उम्मेदवारी दर्ता भएको जानकारी दिए । 

    मङ्गलबार साँझदेखि आज अपराह्न ३ः०० बजेसम्म उम्मेदवारी दर्ताको समय तोकिएको थियो । नयाँ नेतृत्वमा अध्यक्षमा कुमार पन्त र कूल आचार्यले उम्मेदवारी दर्ता गराएका छन् । यसैगरी महासचिवमा जानकी गुरुङ र डा हेमराज शर्माले उम्मेदवारी दर्ता गराएका छ्न । 
यसैबीच आजदेखि हुने भनिएको मतगणना भोटिङ मेसिनमा आएको खराबीका कारण भोलिसम्मका लागि स्थगित भएको छ । भोलि १० बजेदेखि मतपत्रबाटै मतदान हुनेछ । 


ADVERTISEMENT

निर्वाचनमा करीब दुई हजार ४०० मतदाता सहभागी हुनेछन् । 

    ‘म, मेरो एनआरएन र मेरो नेपाल’ भन्ने मूल नाराका साथ मङ्गलबारदेखि शुरु भएको सङ्घको नवौँ नेपाली विश्वसम्मेलन तथा अन्तर्राष्ट्रिय महाधिवेशनको उद्घाटन राष्ट्रपति विद्यादेवी भण्डारीले गरेकी थिइन् ।  बिहीबारसम्म चल्ने सम्मेलनमा ८१ मुलुकका करीब दुई हजार ५०० प्रतिनिधि सहभागी छन् । सम्मेलनको बिहीबार प्रधानमन्त्री केपी शर्मा ओलीले समापन गर्ने कार्यक्रम रहेको छ । 

असोज २९, २०७६ मा प्रकाशित

प्रतिक्रिया दिनुहोस