काठमाडौं – गैरआवासीय नेपाली संघ (एनआरएनए ) को अध्यक्षमा कुमार पन्त निर्वाचित भएका छन् ।

शुक्रवार बिहान सम्पन्न मतगणनामा प्रगतिशील समूहका पन्तले जित हात पारेका हुन् । कांग्रेस निकट प्यानलबाट कुल आचार्य उम्मेदवार बनेका थिए ।

मतगणना सकिएपनि औपचारिक घोषणा भने हुन बाँकी छ ।

महासचिव र कोषाध्यक्षमा पनि पन्तकै प्यानलले जित हात पारेको छ । महासचिवमा हेमराज शर्मा र कोषाध्यक्षमा महेशकुमार श्रेष्ठ विजयी भएका छन् ।