काठमाडौं – रुसको एक दुर्गम समुद्री किनारमा गँगटा संकलन गरिरहेका एक व्यक्तिको छाला भालुले काढेको छ । भालुले उनको कान चुँडिदिएको छ अनि उनको गोडा समेत काट्नुपरेको छ । 

भयंकर आक्रमणमा परेका अलेक्से इभानोभ्स्कीलाई प्यारामेडिकहरूले होशमा ल्याएका थिए । 

उनको तालु, ढाड र नितम्बको छाला च्यातिएको थियो, एउटा कान चुँडाइएको थियो र धेरै घाउ लागेपछि एउटा गोडा नै काट्नुपरेको थियो । 

उनी अहिले कोमामा छन् । चिकित्सकहरूले उनको जीवन बचाउन संघर्ष गरिरहेका छन् ।

इभानोभ्स्कीले गँगटा टिप्दै गर्दा खैरो भालुहरूको एक समूहले घेराबन्दीमा पारेको थियो । 

एक वयस्क भालुले उनलाई आक्रमण गरेर उनको गोडामा दाह्रा गाडेको थियो र छाला चिथोर्दै उनलाई घिसारेको थियो । 

आफ्ना सन्तानलाई बचाउने कोशिश गर्ने आमा भालुले आक्रमण गरेको विश्वास गरिएको थियो । 

अलेक्जेन्डर नामक अर्का व्यक्तिलाई पनि भालुले घाइते बनाएको थियो ।

एजेन्सी