तनावले भरिएको यो व्यस्त जिन्दगीमा घरिघरि बिर्सने बानी धेरैलाई लाग्न थालेको छ । पहिला त यो समस्या बूढो उमेरका मानिसलाई मात्र हुन्थ्यो तर अहिले यो बच्चाहरूमा पनि देखिन थालेको छ । सानो सानो कुरा बिर्सने समस्यालाई बेवास्ता गर्दा पछि त्यो अल्झाइमर वा डिमेन्सिया बन्न पुग्छ । यहाँ हामी यसबाट छुटकारा दिलाउने उपाय सिकाउँछौं ।

डिप्रेसन
धेर तनाव लिँदा वा डिप्रेसन हुँदा पनि बिर्सने रोग लाग्छ । तनावसँग जोडिएका हर्मोन न्युरोनहरूले दिमागका कोशिकाको काममा ढिलाइ गरेर बिर्सने खतरा बढाइदिन्छन् । 

पूरा निद्रा नलिँदा
हरेक व्यक्तिले दिमा कम्तीमा आठ घन्टा सुत्नुपर्छ । व्यस्त जीवनका कारण राम्रो निद्रा नपाउँदा दिमागमा नराम्रो असर पर्छ । अनि सानो सानो कुरा बिर्सन थालिन्छ र पछि यो समस्या अल्झाइमर बन्न पुग्छ ।

धूम्रपान
रक्सी र चुरोटको सेवन शरीरका लागि विषसमान हुन्छ र यसले भुल्ने रोग पनि लगाउँछ । विशेषज्ञहरूका अनुसार, धूम्रपानका कारण दिमागका रक्तधमनीहरू साँघुरिन्छन् र मस्तिष्कसम्म पर्याप्त अक्सिजन पुग्न पाउँदैन । अनि तपाईं भुलक्कड हुन थाल्नुहुन्छ । 

भिटामिन बी१२ को कमी
स्वस्थ रहनका लागि अनि रातो रक्तकोशिका निर्माणका लागि शरीरलाई भिटामिन बी१२ आवश्यक हुन्छ । यसको कमीका कारण स्मरणशक्ति गुम्ने, चिडचिडिने र तनाव जस्ता समस्या हुन्छन् र तिनै पछि डिमेन्सियामा परिणत हुन्छन् । यसबाट जोगिन पालुंगो, पनीर र दूधबाट बनेका खानेकुरा खानुस् । 

धेर औषधि खाँदा पनि बिर्सने रोग लाग्छ । चिकित्सकको सल्लाहविना पगितो औषधि नखानुस् । 

धेर टेन्सन लिँदा अनि शरीरमा पर्याप्त मात्रामा थाइरोइड हर्मोन बन्न पाउँदैन । थाइरोइड हर्मोन बन्न पाएन भने बिर्सने समस्या आउन थाल्छ । 

स्मरणशक्ति बलियो बनाउने उपाय
स्मरणशक्ति बलियो बनाउनका लागि बदाम र अन्य ड्राई फ्रूट खाने गर्नुस् । 

हरियो सागपात, साबुत अनाज, जैतूनको तेल र फलको सेवनले पनि दिमाग तेज बनाउँछ । दिनदिनै यिनको सेवन गर्नुस् । 

उमेर बढ्दै जाँदा आफ्नो काम आफैं गर्ने मानिसलाई अल्झाइमर्सको खतरा कम हुन्छ र स्मरणशक्ति पनि तेज हुन्छ । 

बिर्सने रोगका बेलामा दिमागमा बढ्ने विषालु बीटा एमिलाृयड नामक प्रोटीनको प्रभावलाई ग्रीन टीको सेवनले कम गर्न सकिन्छ । 

दिनदिनै कम्तीमा २० मिनेट व्यायाम गर्नुस् । अनि बिहान बेलुका १० मिनेट डुल्दा पनि बिर्सने समस्या कम गर्न सकिन्छ ।

एजेन्सी