मंसिर ४, २०८०
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
बुटवल – प्रदेश सरकार र प्रदेश सभाका लागि गाडी खरिद गर्दा अनियमितता भएको प्रकरण सेलाउन नपाउँदै प्रदेश ५ मा फेरि अर्को बदमासी भएको छ ।
प्रदेश ५ को भूमि व्यवस्था, कृषि तथा सहकारी मन्त्रालयले वास्तविक किसानलाई बेवास्ता गरी ‘नक्कली किसान’लाई अनुदान रकम वितरण गर्ने गरेको पाइएको हो ।
प्रदेश सरकारको करोडौं अनुदान रकम दुरुपयोग भएको प्रदेशको कृषि, वन तथा वातावरण समितिले जिल्लागत अनुगमनका क्रममा फेला पारेको छ । अनुदान रकम दुरुपयोग हुँदा वास्तविक किसान मर्कामा परेका छन् ।
मन्त्रालयका कर्मचारीले फर्जी कृषि फर्म र पहुँचवालालाई अनुदान दिएको निष्कर्ष समितिले निकालेको हो । यसले प्रदेश ५ मा सरकारका कार्यक्रमहरूमा अनियमिताका दाग लाग्न थालेको पुष्टि भएको छ । वितरण गरिएको अनुदान मध्ये ८० प्रतिशत दुरुपयोग भएको समितिको निष्कर्ष छ ।
कृषि, वन तथा वातावरण समितिका सभापति विजय यादवले अनुदान रकम दुरुपयोग गर्नेलाई कारवाही गर्न प्रदेश सरकारलाई निर्देशन दिइएको बताए ।
‘अनुदान रकम वितरणमा चरम बेतिथि/दुरुपयोग भएको पाइयो,’ सभापति यादवले भने, ‘कामै नगरी अनुदानको रकम लिएका गैर किसानलाई रकम निकासा भएको अनुगमनबाट भेटियो । यस्तो कार्यका लागि सिफारिस गर्ने मन्त्रालयका कर्मचारीहरू पनि कारवाहीको भागिदार बन्नुपर्छ ।’
गत आर्थिक वर्ष कृषि मन्त्रालयका लागि ४ अर्ब ५० करोड रुपैयाँ विनियोजन भएकोमध्ये पौने दुई अर्ब रुपैयाँ अनुदान रकम वितरण गरेको थियो ।
हालै (तिहारअगाडि) समितिले प्रदेशका १२ वटै जिल्लामा ५ वटा उपसमिति बनाएर अनुगमन गरेको थियो ।
रुकुम, प्यूूठान, रोल्पा, अर्घाखाँचीमा कृषि उपज ढुवानीका लागि अनुदानबाट खरिद गरिएका गाडीमा ढुंगागिट्टी र मान्छे समेत बोक्ने गरिएको समितिले भेट्टायो ।
समितिले मन्त्रालयका कर्मचारीले अनुदान पाउने फर्जी किसानबाट २० प्रतिशतसम्म कमिसन खाएको प्रमाण समेत फेला परेको बताएको छ । अनुदानको कार्यविधि समेत मन्त्रालयले कसैलाई देखाएन ।
त्यस्तै कार्यक्रमको प्रपोजल किसानले बुझ्ने भाषामा लेखिएको छैन ।
कृषि विकास कार्यक्रम, स्मार्ट कृषि अनुदान, यान्त्रीकरण, पशुपंक्षी विकास कार्यक्रम भूमि गुठी, सहकारी र गरिबी निवारण कार्यक्रमका लागि अनुदान छ ।
अनुगमनमा गएका समितिका सदस्य चेतनारायण आचार्यले बाख्रा भैंसी र कुखुरा पालनका लागि अनुदानको घर गोठमा केही पनि नभएको पाइएको बताए ।
‘भैंसी पालनको अनुदान लिएको छ, गोठमा हेर्दा भैंसी छैन । भैंसी खै भन्दा चराउन लगेको छ भन्छन् । बाख्रा पालन भन्छन्, बाख्रा छैन,’ आचार्यले थपे, ‘१२ वटै जिल्लामा अनुगमन गर्दा सम्पन्न परिवारलाई अनुदान, वास्तविक किसानलाई बाइपास गरिएको तथा खेती र कुनै उद्यम नगरेकाले अनुदान रकम लिएको पाइयो ।’
अर्घाखाँचीको शितगंगा नगरपालिका वडा नम्बर १० का यामलाल आचार्यले ३७ लाख अनुदान पाएका छन् । उनले कागती खेतीका लागि २५ लाख र मौरीपालन, बाख्रापालन तथा नर्सरीका लागि भनेर अन्य १२ लाख रुपैयाँ अनुदान पाएका हुन् । उनको बारीमा एकाध मात्र कागतीका बोट रहेको पाइएको छ ।
कपिलवस्तुका एक किसानले भैंसी पालनका लागि ९ लाख अनुदान लिएका छन् । उनको गोठमा एउटा पनि भैंसी नभेटिएको समितिले जनाएको छ ।
समितिका सदस्य कृष्णध्वज खड्काले वास्तविक किसानलाई रेट्ने र गैर किसानलाई पोस्ने गरी अनुदान गाउँ–गाउँमा पुगेको बताए ।
बदमासी गरी अनुदान खानेलाई कारवाही र उनीहरूबाट रकम फिर्ता ल्याउनुपर्ने उनको भनाइ छ ।
अनुगमनका गएका समितिका सदस्य कविराम थारुले वास्तविक पसिना चुहाउने किसान प्रदेश सरकारले वितरण गर्ने अनुदानबाट बञ्चित भएको बताए । मन्त्रालयका कर्मचारीमाथि ठूलो शंका गर्नुपर्ने ठाउँ देखिएको थारुले बताए ।
यसवर्ष पनि अनुदानका कार्यक्रम यथावत् छन् । प्रदेशले स्मार्ट कृषि गाउँ कार्यक्रमका लागि प्रत्येक पकेट क्षेत्रमा ५० लाख विनियोजन गरेको छ । यी गाउँले पहिलो वर्ष ५० लाख, दोस्रो वर्ष ४० लाख र तेस्रो वर्ष ३० लाख अनुदान पाउँछन् । संसदीय समितिको प्रारम्भिक प्रतिवेदन अनुसार स्मार्ट कृषि गाउँ कार्यक्रम पनि प्रभावकारी छैन ।
दुरुपयोग रकम अशुल गछौंः मन्त्री पौडेल
भूमि व्यवस्था, कृषि तथा सहकारी मन्त्री आरती पौडेलले अनुदानको रकम लिएर काम नगर्ने गैरकिसानले लिएको रकम फिर्ता गराउने बताइन् । किसानलाई ठग्ने काम आफूूलाई सैह्य नहुने उनको भनाइ छ ।
मन्त्री पौडेलले कृषि तथा पशुपालनका लागि प्रदेश सरकारबाट अनुदान रकम लिएर खेती नगर्ने र पशुपालन नगर्ने सेवाग्राहीबाट रकम असुल गर्ने तथा नियतवश गलत काम गर्ने कर्मचारीमाथि छानबिन गरिने बताइन् । ‘समितिले राम्रोसँग अनुगमन गरेको छ । यसलाई विशेष धन्यवाद दिन चाहन्छु । गलत काम गर्नेलाई कारवाही हुन्छ,’ उनले भनिन् ।
समितिले स्थलगत रूपमा अनुगमन गरी ल्याएको रिपोर्टले मन्त्रालयलाई आफ्ना कमीकमजोरीबारे जानकारी मिलेको भन्दै मन्त्री पौडेलले आगामी दिनमा कमीकमजोरी सच्याएर अगाडि बढ्ने प्रतिबद्धता समेत व्यक्त गरिन् ।
समितिको बैठकमा समितिका सभापति विजय यादवले कामै नगरी अनुदान रकम निकासाका लागि सिफारिस गर्ने कर्मचारीलाई कारवाहीको दायरामा ल्याउन र दुरुपयोग भएको रकम असुल गर्न मन्त्रालयलाई निर्देशन दिएका थिए ।
कामको पुनरावलोकन गर्छौं : सचिव
आफूहरूबाट भएका कामको पुनरावलोकन गर्ने मन्त्रालयका सचिव तेजबहादुर सुवेदी बताउँछन् । स्थलगत अनुगमनले आफूहरूलाई सुधार गर्ने पाठ सिकाएको उनको भनाइ छ ।
मन्त्रालयका प्रवक्ता विनोद घिमिरेले बाहिर आएजस्तो गैर किसानले मात्र अनुदान पाएको कुरा सही नभएको बताए ।
समितिको बैठकमा कर्मचारीले अनुदानको रकम दुरुपयोग नभएको भनेर बचाउ गरेपछि समितिका सदस्यहरू उनीहरूमाथि खनिएका थिए ।
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...