काठमाडौं –  नेपाल भ्रमण वर्ष २०२० लाई लक्षित गरी ठमेल विकाश परिषदको नेतृत्वमा ठमेल अनुगमन गरिएको छ ।

'सुन्दर ठमेल सुरक्षित ठमेल' बनाउने अभियान अनुसार आइतवार राति अनुगमन गरिएको परिषद्का महासचिव ध्रुव अधिकारीले जानकारी दिए । 

परिषदका अध्यक्ष प्रकाश राणाको नेतृत्वमा गएको अनुगमन टोलीले ठमेलको रात्री जीवनको अनुगमन गरेको हो । 

टोलीमा अध्यक्ष राणा, उपाध्यक्ष राजु मान डंगोल, महासचिव अधिकारी, स्रोहखुट्टे प्रहरी वृत्तका प्रहरी, दरबारमार्ग प्रहरी वृतका प्रहरीलगायत सहभागी भएका थिए । 
अनुगमनपछि टोलीले सडक बालबालिकालाई व्यवस्थापन गरिने जनाएको छ । 

टोलीले फुटफाट व्यापार, अव्यवस्थित पार्किङ, तेस्रो लिंगीहहरुलाई ठमेलबाट हटाउने र उचित व्यवस्थापन गर्ने भएको महासचिव अधिकारीले जानकारी दिए । 

नेकपाका युवा नेता समेत रहेका पर्यटन व्यवसायी अधिकारीले यो अनुगमनपछि ठमेलका पर्यटन व्यवसायी एवम् स्थानीयबासी खुशी भएका छन् ।